Dünya futbolu
Avrokuboklarla bağlı qərar açıqlandı – RƏSMİ
UEFA avrokuboklarla bağlı qərarını açıqlayıb.
Futbolinfo.az xəbər verir ki, UEFA İcraiyyə Komitəsinin bu gün baş tutan iclasından sonra yekun qərarlar rəsmən açıqlanıb.
Beləliklə, Avropa Liqasının pley-off qarşılaşmaları Almaniyaya həvalə olunub. “8-lər finalı”nın bu ölkənin Köln, Düsseldorf, Duysburq və Gelzenkirxen şəhərlərində keçiriləcəyi bildirib. Final matçı isə avqustun 21-də Kölndə olacaq.
2021-ci il Avropa Liqasının finalı Polşanın Qdansk şəhərində baş tutacaq.
Çempionlar Liqası da “səkkizlər finalı” formatında 12-23 avqust tarixlərində Portuqaliyanın Lissabon şəhərində keçiriləcək. 1/4 və yarımfinal tək matç formatında olacaq. Yeni qərarla İstanbul builki yox, gələn il keçiriləcək ÇL-in finalına ev sahibliyi edəcək. Sankt-Peterburqda isə 2021/22 mövsümündəki final oynanılacaq.
Yeri gəlmişkən, UEFA növbəti mövsüm avrokubokların təsnifat mərhələlərində ev-səfər prinsipini ləğv edib. Ev sahibi komandalar cütlərin tərkibi müəyyənləşdikdən sonra püşk yolu ilə müəyyənləşəcəklər. Qərar qurumun İcraiyyə Komitəsinin iclasında qəbul edilib. Təsnifat mərhələsində cavab matçları olmayacaq.
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır