Milli komanda
Axundovun əzələ nümayişi – Məmmədovsuz…
AFFA Sezar Meza Kollinin milliləşdirilməsi ilə bağlı məlumatı təsadüfən yaymayıb. İcraçı vitse-prezident Elxan Məmmədov bişməmiş yeməyi süfrəyə qoydurmaqla ictimai rəyi öyrənməyə çalışır.
Təbii ki, Elxan bəy paraqvaylının millidə oynamasını istəsəydi, bunu gizlicə edər, istəyinə çatar, daha sonra ictimailəşdirərdi. Məsələ hələ tam reallaşmadan ortalığa çıxarılıbsa, deməli, burada qaranlıq məqamlar var. Çünki Məmmədov da “Futbolinfo”nun dünən üzə çıxardığı faktlardan xəbərdardı və saxtakarlığın üstü açılacağı təqdirdə hansı problemlərin yaranacağını gözəl bilir.
Futbolinfo.az Sezarın milliləşdirilməsi istəyi ilə bağlı maraqlı informasiya əldə edib. Redaksiyamıza daxil olan məlumata görə, bu məsələdə təşəbbüskar İcraiyyə Komitəsinin üzvü Zaur Axundovdu. Həm milli komandada rəhbəri olduğu klubun daha çox təmsilçisinin olmasını istədiyindən, həm də “Keşlə”nin mənafeyini düşündüyündən Zaur bəy bu məsələdə israrlıdı. İcraçı vitse-prezident bu məsələyə qol qoymayıb, bu səbəbdən Axundov istəyinə nail olmaq üçün SOCAR-ın razılığını özü alıb.
Neft biznesində vaxtilə Mübariz Mənsimova ayrılmış payı ələ keçirdikdən sonra iddiası artan, gözü daha yüksək postlarda olan Zaur bəy futbolda nə iləsə yadda qalmaq istəyir. Bu səbəbdən “Keşlə”nin Avropa Liqasına vəsiqə qazaması onun üçün nüfuz məsələsdi. Və məqsədə çatmaq üçün hər yola əl atır.
Meza Kollinin milliləşdirilməsi də komanda üçün faydalıdı. Onun yerli oyunçu kimi çıxış etməsi qışda 10 min dollar maaşa gətirilmiş özbək Şahruh Qodoyevin və 6 min dollar əməkhaqqına razılaşan Aleksandr Kristavaonun heyətə düşməsinə imkan yaradacaq. Bu isə yerli oyunçu ehtiyatı yaxşı olmayan bakılılar üçün önəmlidi.
Lakin Sezarla bağlı kifayət qədər problem var. Əzələ nümayiş etdirməklə, yuxarı dairələri inandırmaqla problemi həll etmək olmaz. Bu məsələnin qanuni tərəfində haqlı olmaq vacibdi. Axundov buna diqqət yetirmir, arzusunu reallaşdırmağa çalışır. Elxan bəy isə Sezara pasport verilməsinin fəsada səbəb olacağını gözəl bilir. Bu səbəbdən o, bu milliləşdirməyə razı deyil, AFFA-nın rəsmi saytında anons-xəbərin paylaşılmasında da məqsəd bu idi. Zaur bəyi inandıra bilməyincə ictimaiyyətin reaksiyasını öyrənməyə, saxtakarlığın mətbuat tərəfindən ifşa olunmasına nail olmaq istəyirdi.
Məmmədovun bu məsələdə AFFA rəhbərliyinin deyil, Texniki Departamentin rəhbəri Berbard Lippertin təşəbbüskar olmasını mətbuat xidmət vasitəsi ilə açıqlaması da diqqətdən yayınmamalıdı. Sabah ortaya çıxacağı dəqiq olan problemlərdə onun yaxasını kənara çəkmək imkanı olacaq. İndi SOCAR-da Axundova dəstək verənlər ciddi düşünməlidi: paraqvaylıya görə sabah yaranacaq biabırçılıq onlara lazımdımı?
CAVAD
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-09 13:53
“Azərbaycanda həm yaxşı pul qazandım, həm də hörmət”
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Ölkə futbolu2024-05-08 20:41
PFL, “YAŞAT” Fondu və “Badamlı” arasında müqavilə imzalandı