Digər idman növləri
Azarkeşə çevrilən olimpiya çempionu: “Bu, ölkədə idmana göstərilən qayğının nəticəsidir”
Olimpiya çempionu Toğrul Əsgərov güləşlə yanaşı futbola olan marağı ilə diqqət çəkir. “Kəpəz”in sadiq azarkeşi olan idmançı hər zaman komandaya rəğbətini dilə gətirib, “sarı-göylər”in uğurlarına sevinənlərdən olub.
Hazırda güləş məşqçisi kimi fəaliyyətini davam etdirən Toğrul Göygöldə toplanışda olarkən Gəncə kollektivi haqda sualları da cavablandırıb: “İstərdim ki, “Qarabağ” kimi Avroliqada, yəni qitəmiqyaslı turnirlərdə Gəncə təmsilçisi də olsun, ölkəmizi təmsl etsin. İnşallah, mütəxəssislər bu yolda gələcək üçün öz addımlarını atırlar. Bilirsiniz ki, yeni baza tikilir, yeni məktəb yaranır. Bu, komandanın inkişaf edəcəyini göstərir. Gəncənin həmişə futbol məktəbi olub. Ona görə də bu bazanın yaradılmasının çox faydası olacaq”.
Güləşçi yeni tikilən stadiondan da danışıb. Əsgərov müasir arena inşa edildikdən sonra daha böyük azarkeş kütləsinin komandaya dəstək olacağını ifadə edib: “Yeni stadion da tikilir. Yaxşı oyunçuları bura cəlb edəcəkdir. Həm də Gəncə kimi azarkeşi olan futbol komandası çox azdır. Bu, böyük bir dəstəkdir. Futbol azarkeşi olmaq 1:0 öndə başlamaq deməkdir. İnanıram ki, yeni tikilən stadionda Gəncənin azarkeşləri daha da artacaq”.
Güləşçi Gəncənin basketbol və voleybol komandalarının fəaliyyətinə də münasibət bildirib. O, regionlarda müxtəlif idman növlərinin inkişafının ölkədə güclü rəqabət yaradacağını söyləyib: “Futbolla yanaşı, artıq Gəncənin basketbol komandası da ötən ildən özünü göstərməyə başladı. Həqiqətən çox sevindirici haldır. Bu ildən də voleybol komandasını gördük. Bu, ölkədə idmana göstərilən qayğının nəticəsidir. Artıq bütün idman növləri Bakıda yox, şəhər və rayonlarımızda da inkişaf edir. Buna görə güclü rəqabət, maraq yaranır. İdmançılar zərərli vərdişlərdən uzaqlaşır. Hamı idman zallarında olur, yarışlara azarkeşlik edirlər. Bunun özü böyük bir şeydir”.
Toğrul Əsgərov ötən ildən güləş məşqçisi kimi çalışmağa başlayıb. Titullu pəhlivan güləş üzrə qadınlardan ibarət milli komandanın böyük məşqçisidir. BƏHRUZ MUSAYEV, GƏNCƏ
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…