Ölkə futbolu
Bəhlul növbəti oyunlar üçün motivasiya tapacaq: “Amma bəzi səhvlərimiz var idi”
“Qarabağ”ın müdafiəçisi Bəhlul Mustafazadə Misli Premyer Liqasının 25-ci turunda “Neftçi”yə 4:1 hesabı ilə qalib gəldikləri oyundan sonra jurnalistlərə açıqlama verib. O, əvvəlcə oyun haqda təəssüratlarını bölüşüb: “Düşünürəm ki, bütün tamaşaçılar üçün maraqlı oyun oldu. Biz daha diqqətli olduq və vacib oyundan qabaq qələbə qazandıq”.
Bəhlul “Neftçi” ilə matçın çətin keçdiyini qeyd edib: “Gərginlik var idi. Onlar da ikinci qolu vurub hesabı bərabərləşdirə bilərdilər. Rəqibi əks hücumlarda yaxaladıq və 3-cü, 4-cü qolları vurduq. Düşünürəm, bərabər səviyyəli oyun keçdi, lakin biz əlimizə düşən fürsətləri daha yaxşı dəyərləndirdik”.
Mustafazadə “Neftçi” ilə matçın Avropa liqasının 1/8 final mərhələsində “Bayer”lə oyuna müsbət təsir edəcəyini bildirib: “Bayer”lə görüşdən öncə belə bir oyuna, derbiyə çıxmaq çox önəmli idi. Yaxşı mübarizə apardıq, amma bəzi səhvlərimiz var idi ki, onları analiz edib “Bayer”lə oyundan əvvəl aradan qaldırmağa çalışacağıq”.
Mərkəz müdafiəçisi turnir cədvəlində böyük fərqlə lider olmalarının motivasiyalarına təsir etməyəcəyini deyir: “Onu Qurban Qurbanov daha yaxşı bilir. Baş məşqçi bizə daha yaxşı motivasiya verə bilir. Heç bir şeydən asılı olmayaraq, bütün oyunlara daha diqqətli, daha yaxşı çıxmağımızı və öz idman formamızı qorumağı tapşırır. Düşünürəm ki, bundan sonra da motivasiya tapacağıq”.
Bəhlul “Bayer”i yaxından analiz edəcəklərini bildirib: “Fərdi olaraq bütün oyunçular imkan tapdıqda izləyirlər. Ümumiyyətlə, onlar bizə tanışdırlar. Bu oyundan sonra hazırlıq mərhələsində daha yaxından tanış olacağıq. Məşqçilər rəqib haqda daha çox məlumat verəcəklər. Əvvəlki oyunlarımızla müqayisədə daha yaxşı olublar. Biz də daha çox inkişaf etmişik. Hesab edirəm, bizi daha maraqlı və daha gərgin oyun gözləyir”.
- Premyer-liqa2024-04-14 20:55
“Qarabağ” “Sabah”a uduzdu
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı