Müsahibə
“Bakılı balası”: “Meydanda ən yaxşısını etməliyik”
“Sabah”ın almaniyalı hücumçusu Coy-Lens Mikelsin futbolinfo.az-a müsahibəsi
– Təlim-məşq toplanışını necə keçirdiniz?
– Avstriyadakı toplanış çox yaxşı keçdi. Mühit və şərait yüksək səviyyədə idi. Biz yeni mövsümə əla hazırlaşdıq.
– Artıq Konfrans Liqasının ikinci təsnifat mərhələsinə sayılı günlər qalıb. Latviyanın RFS klubu ilə qarşılaşacaqsınız. Rəqibi necə dəyərləndirirsən?
– Rəqib yaxşı komandadır. Biz meydanda hər şeyimizi qoyub onlara qarşı oyunlarda qalib gəlmək istəyirik. Bütün diqqətimizi bu matçlara yönəltmişik. Bir məqam var ki, rəqib avrokuboklarda artıq iki oyun keçirib. Bu, onların leyhinə olan amildir. Çünki meydanda nə etməli olduqlarını daha çox bilirlər.
– RFS “Makedoniya” klubuna 4:1 hesabı ilə qalib gəldi. Yəqin oyunu izləmisiz – necə təsir bağışladılarlar, təhlükəli futbolçuları kimdir?
– Onlar daha çox kollektiv oyuna üstünlük verir və bunu yaxşı bacarırlar. Ötən mövsüm qrup mərhələsində niyə çıxış etdiklərini anlamaq olar. Biz daha çox komanda şəklində onların oyununa fokuslanmalıyıq. Fərdi olaraq kimsə öndə deyil.
– Qrup mərhələsində mübarizə apara biləcəksiz?
– Əvvəlcə oyundan oyuna yaxşı çıxış etmək və qarşıdakı matçı düşünmək lazımdır. 90 dəqiqə meydanda ən yaxşısını etməliyik.
– Aleksey Kaşukun komandadan getməsi böyük itki sayılır. Sənin düşüncələrin necədir?
– Əlbəttə ki, onun gedişi böyük itkidir. Amma digər komanda yoldaşlarımın onun mövqeyində özlərini göstərməsi üçün şansları var. Bu mövqeydə oynayacaq hamıya uğurlar arzu edirəm və boşluğu dolduracaqlarına inanıram.
– Bir neçə gün öncə bizim məşhur “Bakılı balasıyam” mahnısına rəqs etmişdin…
– Onu ilk dəfə eşidəndə çox bəyəndim və ritmini sevdim. Qərar verdim ki, bu mahnıya oynayacağam. Ondan sonra komanda yoldaşlarım mahnının nədən bəhs etdiyini mənə anlatdılar.
CAVAD
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Ölkə futbolu2024-05-04 10:19
“Araz-Naxçıvan”ın baş məşqçisi: “Rəqib tapmaq çətinləşir”
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO