Digər
Dəbli idman
Parisdə keçirilən moda həftəsi peşəkar idmançıların hər zaman diqqət mərkəzində olub. Formula 1 sürücüləri də tez-tez belə tədbirlərə təşrif buyuran ulduzlar arasında yer alıblar. Peletonda yarışan pilorlar arasında Lüis Həmilton daim həmkarlarından seçilib. Onun necə dəb həvəskarı olduğunu yarışlara gələn zaman geydiyi paltarlardan da bilmək olur.
Bu həftə isə yeddiqat dünya çempionu 4 tədbirdə iştirak edib. Əvvəlcə ingiltərəli pilot amerikalı reper Tyler, the Creatorla birlikdə “Louis Vutton”un tədbirində görünüb. O bura Farrel Vilyamsın ilk kolleksiyasına tamaşa etməyə gəlib.
“Mercedes” pilotu xüsusilə onun üçün hazırlanmış yeni pencəyi də geyinərək fotoqrafların qarşısına keçib. “Louis Vutton”dan sifarişlə hazırlanmış pencəyin müxtəlif variasiyalarını podiumda da nümayiş etdiriblər. Hətta deyilənə görə “Louis Vutton” Həmilton üçün təkcə pencək tikməyib. Ondan başqa digər geyimlər də var. Sadəcə, onları qarşıdakı günlərdə Lüisin əynində görmək mümkün olacaq.
Həmiltondan başqa Pyer Qasli də tədbirdə iştirak edib. “Alpine” komandasının fransız pilotu qız rəfiqəsi Fransisko Qomeslə birlikdə təşrif buyurub. Pyerin əynində hər bir predmetinin dəyəri 2320 ABŞ dolları olan cins kostyum olub.
Lakin sonradan Pyer Qaslinin rəfiqəsi yoxa çıxıb. Mərasim zamanı Qasli stilist Cun Embrouz və futbolçular – Markus Reşfordla, Cud Belingem və “Boston Seltiks”in basketbolçusu Ceylen Braunla yanaşı əyləşib.
Həmilton isə “Louis Vutton”dan sonra “Dior”un kolleksiyasının təqdimatında da iştirak edib. İngiltərəli pilot toxunma jilet və yeni kolleksiyadan olan şalvara üstünlük verib. Əynində olan digər aksessuarlar isə bunlar olub: dəyəri 40900 ABŞ dolları olan IWC saatı, 290 dollar dəyərində “Nanushka” gün eynəyi və 1340 dollarlıq “Louis Vutton” krossovkaları.
“Dior”un tədbirində “Alfa Romeo” pilotu Quanyu Jou da görünüb. O , brendin Asiya üzrə simasıdır. Çinli pilotun əynində “Dior”un yeni kolleksiyası olan Denim Tearsdən paltarlar olub.
Ardınca Lüis Həmilton Uels Bonnerin təqdimatına qatılıb. Bu dəfə də onun yanında basketbolçu Ceylon Braun olub. Sürücünün əynindəki ağ kostyum paparassilərin diqqətini çəkib.
Bundan sonra isə Həmilton amerikalı dizayner Rik Ouensin kolleksiyasının nümayişinə də özünü çatdıra bilib. Əynində də dizaynerin kolleksiyasından olan paltarlar olub. Burada diqqətçəkən məqam kostyumun özü deyil , hündür dabanı olan ayaqqabılardır.
İLQAR AĞAYEV
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Milli komanda2024-05-06 13:09
Aqolli: “Azərbaycanın rəqib seçilməsi doğru addımdır”
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Ölkə futbolu2024-05-06 13:45
Qapıçının ilk qol ötürməsi