Layihə
DÜNƏNDƏN SABAHA: Silsilə yazılara start veririk!
Azərbaycan futbolu növbəti 5-6 ildə də bu vəziyyətdə, hətta daha pis olacaq. AFFA-da cəmləşən “mütəşəkkil dəstə” 14 il boyunca o qədər cinayət edib ki, xəstə yatağına uzadılmış top oyununu ayağa qaldırmaq üçün ciddi müalicəyə ehtiyac var. Məhvə məhkum ənənələri bərpa etmək, inkişaf yolunu tapmaq və yüksəlişə nail olmaq üçün çox əziyyət çəkilməlidi.
Buna da yalnız islahatlara vaxt itirmədən başlanacağı təqdirdə nail olmaq mümkündü. “Mütəşəkkil dəstə” bataqlığı genişləndirməyə davam etsə, ölkədə sağlam ruhlu gənclərin əvəzinə “Patı” istifadəçiləri çoxalacaq. Hazırkı səriştəsiz idarəçilərin bacardığı budur. Onlar öz biznesləri inkişaf etsin deyə, hər şeyə arxa çeviriblər.
Lakin çıxış yolu hər zaman var. İslahatlar, düzgün strategiya seçimi, əməli addımlar, məqsədyönlü iş – bütün bunlar parlaq gələcək qurmaq üçün yetərlidi. Düzgün kadr seçimləri edilsə, planlı iş qurub fantastik nəticələrə nail olmaq mümkündü. Azərbaycan gəncliyinin potensialını düzgün dəyərləndirmək, istiqamətləndirmək gərəkdi.
Bugündən etibarən uşaq futboluyla bağlı silsilə yazılara start veririk. Ən ağrılı sahənin imkanlarından bəhs edəcək, araşdıracaq, istiqamətləri göstərəcəyik. Müxtəlif sorğular, statistik yazılar, mütəxəssis təhlili, araşdırmalar, reportajlar diqqətinizə çatdırılacaq.
Silsilə yazılarda məqsəd ənənələri xatırlatmaq, mümkün olanın ən yaxşısını əldə etməyin yolunu göstərmək, sağlam gəncliyin yetişdirilməsi üçün düzgün istiqamətin tapılmasına yardım göstərməkdi. Buna maraq göstərənlər mütləq faydalanacaq. Azərbaycanda uşaq futbolunun olmadığını deyənlərin, inkişaf perspektivinə şübhə edənlərin yazıları daha diqqətlə oxuması məsləhətlidi.
FƏRİD
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…