Müsahibə
Elvin xal itkisinin səbəbini tapıb: “Rəqib istəkli və aqressiv idi”
“Qarabağ”ın müdafiəçisi Elvin Cəfərquliyevin futbolinfo.az saytına müsahibəsi
– Ötən gün “Zirə” ilə matçda qalib gələ bilmədiniz. Ardıcıl 2-ci qolsuz heç-heçəniz reallaşdı…
– Çətin oyun oldu. Rəqib yaxşı müdafiə olunurdu. Milli komandalara görə yaranmış fasilə də öz təsirini göstərdi. Ümid edirəm ki, növbəti matçlarda hər şey yaxşı olar.
– Komanda qələbə qazana bilmədi, halbuki ilk dövrədəki oyununuzda 7:1 hesabı ilə üstün olmuşduz. Elə fikir yaranmışdı ki, “Qarabağ” yenə asan qalibiyyət əldə edəcək.
– Asan qələbə olmur. 7:1 hesabı ilə bitən oyuna baxsaq, o zaman da ilk hissə 1:1 bitmiş, ikinci hissədə rəqib boşluqlar vermişdi. 7:1-dən sonrakı oyun olduğu üçün rəqib istəkli və daha aqressiv idi. Biz də tam özü oyunumuzu oynaya bilmədik.
– Qurban Qurbanov oyundan sonra dedi ki, komandam yaxşı oynamadı və razı qalmadım. Yaxşı oynaya bilməməyin səbəbin nədə görürsən? Bir neçə gün birlikdə olmamaq buna təsir etdi?
– Bəli, millinin bir neçə gün birlikdə hazırlaşmadıq, belədə komandada tonusu saxlamaq çətindir. Məncə, əsas səbəb bu ola bilər.
– Qarşıda “Neftçi” ilə matç var. Hazırsız?
– “Neftçi” ilə matça tam hazır olmağa çalışacağıq. Ümid edirəm ki, hər şey istədiyimiz kimi gedər.
– Milli komandada iki oyun keçirdiniz və iki qələbə qazandınız. Səncə, komanda artıq öz oyununu tapmağa başlayıb?
– Baxmayaraq ki, yoldaşlıq görüşləri idi, amma qələbə vacib əhəmiyyət daşıyırdı. Qələbələri də yaxşı oyunla qazandıq. 5 matçdır ki, həm yaxşı çıxış edirik, həm qalibiyyət əldə edirik.
AĞA
- Premyer-liqa2024-01-26 12:50
Premyer Liqada qış bazarlığı – YENİLƏNİR
- Ölkə futbolu2024-01-26 14:15
Araz Abdullayev daha bir həmyerlimizi yanına apardı
- Ölkə futbolu2024-01-26 08:00
Axına qarşı üzən Hacıyev: baş katibi Tovuza aparan səbəb nədir?
- Ölkə futbolu2024-01-26 09:10
Mutu Matiası yanına aparmaq istəyir