Ölkə futbolu
Əsas hədəf: infrastruktur
“Turan Tovuz” hələ böyük hədəflərə köklənməyib. Qərb klubu ilk olaraq infrastrukturunu yaxşılaşdırmağa çalışır.
Bu barədə klubunun icraçı direktoru Nadir Nəbiyev futbolinfo.az saytına açıqlamasında məlumat verib: “Azarkeşlərimiz kimi biz də avrokuboklara vəsiqə qazanmaq istəyirik. Lakin reallıq tam fərqlidir. Uzun illərdir Premyer Liqada oynayan, hər il heyətini daha da gücləndirən rəqiblərlə mübarizə aparmaq olduqca çətindir. Elitaya qayıdışımızdan sonra cəmi 1 mövsüm keçirmişik. İddialı yerlərə oynamaq üçün möhkəm təməl qurmalı, hər sahədə peşəkarlaşmalıyıq. İnfrastruktur, akademiya yüksək səviyyəyə gəldikdən sonra təcrübə topladıqca qarşımıza bu məqsədi qoya bilərik”.
Bölgə təmsilçisi bu istiqamətdə artıq müəyyən işlər görüb: “Huner Group”un gəlişindən sonra gücümüzü klubun infrastrukturunu ideal vəziyyətə gətirmək üçün səfərbər etmişik. Ən son model elektron tablo, 3 qüllədən ibarət çəkiliş meydançası qısa müddət ərzində istifadəyə verildi. Yeni akademiya binasının tikintisi davam edir. Burada futbolçu və məşqçi heyəti üçün ideal şərait nəzərdə tutulub. Yataq, istirahət, nəzəri məşğələ otaqları, idman zalı, dərs və konfrans zalları, həmçinin digər zəruri otaqlarla təmin olunacaq bina yaxın gələcəkdə istifadəyə veriləcək. Fan-şop və kafeteriyanın inşası yekunlaşmaq üzrədir”.
Nəbiyev ehtiyat meydançanın salınmasını prioritet hədəfləri sayır: “Əsas problemlərimizdən biri ehtiyat meydança ilə bağlıdır. Əsas komanda ilə yanaşı, aşağı yaş qrupları üzrə komandalarımız da eyni meydançadan istifadə edirlər. Bu da örtüyün həddindən artıq yüklənməsinə gətirib çıxarır. Məqsədimiz həm əsas meydançanın örtüyünü təbii örtüklə əvəz etmək, həm də əlavə köməkçi meydançaların salınmasına nail olmaqdır”.
- Premyer-liqa2024-04-28 21:55
“Sumqayıt” “Qarabağ”a qalib gəldi
- Premyer-liqa2024-04-28 19:37
“Neftçi” “Turan Tovuz”a böyük hesabla qalib gəldi
- Ölkə futbolu2024-04-27 23:05
Samir Abasov Xavi ilə görüşdü
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi