Digər idman növləri
“Fənərbağça”ya ev şoku
MBA-da ötən gecə 2-ci raundun bir oyunu keçirilib. Şərq Konfransının yarımfinal seriyasının 2-ci oyununda “TD Garden”də “Boston Seltiks” “Filadelfiya Siksers”i qəbul edib.
İlk oyunda Embidin yoxluğu və Hardenin 45 xalı ilə qalib gələn qonaqlar bu dəfə darmadağınla üzləşiblər – 121:87). Son mövsümün MVP-si Coel Embidin qayıdışı da onları bundan xilas etməyib. Zədədən sonra onun məhsuldarlığı cəmi 15 xal təşkil edib. Ötən oyunun qəhrəmanı Harden isə cəmi 12 xal toplayıb. “Boston”da lider Ceyson Teytum karyerası ərzində ən pis oyununu keçirib. Cəmi 7 xal toplayan Teytum bunu 19 dəqiqə ərzində edə bilib. Görüşün taleyi 3-cü periodda həll edildiyinə görə Jo Mazulla ehtiyatda olan basketbolçulara da oynamağa imkan verib. Onlar arasında türkiyəli Furkan Korkmaz meydançada olduğu 5 dəqiqə ərzində 6 xal toplaya bilib.
Bu qələbədən sonra seriyada hesab bərabərləşib. Növbəti iki oyun “Filadelfiya”nın meydanında keçiriləcək.
MBA ilə birlikdə Avroliqada da play-off oyunları davam edir. “Dördlər finalı”na vəsiqə qazanan ilk komanda bəlli olub. 3-cü oyunda da “Jalgiris” üzərində qələbə qazanan “Barselona” həlledici oyunlarda iştirakını rəsmiləşdirib.
Mərhələnin ən drammatik mübarizələrindən biri “Olimpiakos”la “Fənərbağça” arasında gedir. Yunanıstanda 2-ci oyunda qalib gəlməklə seriyada hesabı bərabərləşdirən və ev üstünlüyünü ələ alan İstanbul təmsilçisi “Ülkər Arena”da qələbəni əldən verməklə bütün tribunaları şoka salıb. 3,8 saniyə qalmış 2 xal öndə olan “Fənərbağça” Kostas Slukasın sirenayla eyni anda 3 xallıq atışının qarşısını ala bilməyib – 71:72. Beləliklə də, seriyada yunanlar yenidən önə keçiblər. 4-cü oyun sabah İstanbulda baş tutacaq.
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir
- Ölkə futbolu2024-04-15 08:00
Hakim kömək etmədi, “Səbail” yenə qələbəsiz qaldı
- Ölkə futbolu2024-04-15 10:17
“Qarabağ” üçün daha iki potensial rəqib
- Ölkə futbolu2024-04-15 10:03
Musanın oynamamasının səbəbi – baş məşqçi açıqladı