Ferstappen rəhbərini dəstəkləmək fikrində deyil

“Red Bull” rəhbəri Kristian Hornerlə bağlı araşdırma bu həftə başa çata bilər. Komanda prosesi tezləşdirmək fikrindədir. Əsas məqsəd çempionat başlayana qədər problemləri yoluna qoymaqdır.

Yeni məlumata görə, komandanın pilotu Maks Ferstappen bu məsələdə Kristian Hornerə dəstək vermək fikrində deyil. Bu amil Hornerin taleyi ilə bağlı veriləcək qərara təsir göstərməlidir.

Keçən həftə keçirilən yeni maşının təqdimat mərasimində icraçı direktor ona qarşı yürüdülən ittihamları rədd edərək günahsız olduğunu bildirmişdi. Ferstappen isə suala cavab verərkən münasibətlərdə hər şeyin əvvəlki kimi olduğunu dilə gətirmişdi.

Əlavə edək ki, məsələdə əsas tərəflərdən biri olan komandanın qadın işçisi Hornerə qarşı ittiham irəli sürüb. O, məsələnin məhkəmədə araşdırılmasını tələb edir.

Xatırladaq ki, Horner, qadın işçiyə seksual xarakterli mesajlar göndərməkdə günahkar bilinir.