Layihə
Gənclərin stimulu var: “Qarabağ”ın heyətində “İmarət”də oynamaq üçün
Futbolun kompleks inkişafı üçün uşaq-yeniyetmə futboluna xüsusi diqqət göstərilməsi vacibdir. Bünövrə, təməl düzgün atılırsa, onun üzərində möhkəm binanın ucaldılacağına inana bilərik.
Futbolçunun gələcəyi top oyununun sirrlərini öyrənməyə başladığı məktəbdə müəyyən edilir. İlkin vərdişlərin öyrədilməsində, uşaqlara topa sevginin aşılanmasında məşqçi-müəllimlərin üzərinə böyük yük düşür.
Ölkəmizdə uşaq və yeniyetmələr arasında futbolun təbliği üçün və kütləviliyinə nail olmaq məqsədi ilə mühüm addımlar atılır. Ağdamda da bu məsələ diqqət mərkəzindədir. Rayonda fəaliyyət göstərən 10-14 yaşlılardan ibarət komandalar zona yarışlarında mübarizə aparırlar. “Qarabağ” kimi komandaya sahib olması da rayonda uşaq futbolunun inkişafına təkan, stimul verir.
Məşqçi Zakir Dadaşovun rəhbərliyi altında hazırlıqlar keçən Ağdamın U-14 komandası bu il təşkil olunan zona birinciliyində uğurla çıxış edir. Onlar artıq final mərhələsinə vəsiqəni də təmin ediblər.
“Qarabağ”ın Premyer Liqada, Azərbaycan kubokunda, eyni zamanda qitəmiqyaslı yarışlarda əla oyun sərgiləməsi uşaqların da bu idman növünə marağını artırır.
Növbəti ildən barbar ermənilərin dağıtdığı “İmarət” stadionun bərpasına başlanılacaq. Yeni arenanın tikintisinin 2025-ci ildə yekunlaşması planlaşdırılır. Bu məqam da gənc futbolçular üçün stimuldur. Yetişəcək yeni nəsil “Qarabağ”ın heyətində bu stadionda meydana çıxacağı günlərin xəyalını qurur.
BƏHRUZ MUSAYEV, Ağdam
Yazı Azərbaycan Respublikasının Medianın İnkişafı Agentliyinin maliyyə dəstəyi ilə hazırlanıb.
Sahə: Uşaq və gənclərin fiziki və mənəvi inkişafında idmanın rolu
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…