Dünya futbolu
Həm “Roma”ya, həm də Santuşa təzminat ödənməlidir – Mourinyo gəlsə…
Fernandu Santuş artıq Portuqaliya millisinin baş məşqçisi deyil. Qərar rəsmən açıqlanmasa da, dəqiqdir.
Futbolinfo.az xəbər verir ki, Santuşun gedişini xarici mətbuat ciddi mənbələrə əsaslanaraq tirajlayır. Həm də məşqçinin istefası indi yox, Portuqaliya millisi Dünya Çempionatında çıxışı rəsmiləşdiyi gün reallaşıb. Portuqaliya Futbol Federasiyası layiqli namizəd tapdıqdan sonra qərarı açıqlamaq istəyir.
Son günlər Joze Mourinyonun milliyə təyinat alacağı ilə bağlı xəbərlər təsadüfi deyil. Portuqaliyalı mütəxəssis vətənindən təklif alıb, amma “Roma” ilə müqaviləsi olduğundan düşünmək üçün vaxt istəyib. Federasiya onun yaya kimi iki vəzifədə paralel çalışmağına razıdır. Bu məsələyə İtaliya klubunun necə yanaşacağı Mourinyonun taleyi baxımından həlledicidir. Çünki məşqçi ilə müqavilə 2024-cü ilin yayınadək nəzərdə tutulub, razılıq olsa, o, mövsüm bitən kimi postunu tərk edib birdəfəlik milliyə getməlidir.
Dəyişiklik olsa, Portuqaliya Futbol Federasiyası həm “Roma”ya, həm də Santuşa təzminat ödəməlidir. Çünki bu məşqçinin müqaviləsinin bitməsinə də ilyarım qalıb. Milli komandanı Millətlər Liqasının və Avropa Çempionatının qalibi etmiş çalışdırıcı qarşılıqlı razılıq əsasında işindən ayrılmaq istəmir.
- Ölkə futbolu2024-05-06 10:08
“Dinamo” Mahiri satmaq istəyir, amma…
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Milli komanda2024-05-06 13:09
Aqolli: “Azərbaycanın rəqib seçilməsi doğru addımdır”