Dünya futbolu
Hakimi itələdi, 8 oyunluq cəza aldı
“Fulhem”in hücumçusu Aleksandar Mitroviç cəzalanıb. Hakimə qarşı davranışı serb futbolçunun 8 oyunluq diskvalifikasiyası ilə nəticələnib.
Forvard İngiltərə Kubokunun 1/4 final mərhələsində “Mançester Yunayted”ə 1:3 hesabı ilə uduzduqları səfər oyununda özündən çıxmışdı. Londonlular 1:0 hesabı ilə öndə olarkən, Mitroviç və daha iki oyunçu qırmızı vərəqə almış, yekunda mançesterlilər ümumi qələbə hesabını təmin etmişdi.
Matçın referisi Kris Kavananın qərarlarından narazı qaldığı üçün onu itələyən 29 yaşlı forvard indi bunun əziyyətini çəkəcək. Həmçininn qonaqların baş məşqçisi Marko Silva qarşıdakı 2 görüşdə texniki zonada yer almayacaq.