Digər idman növləri
İlk finalçı müəyyənləşdi
Bu gecə MBA-da bir finalçı müəyyənləşib. Qərb konfransında çempionatı ilk sırada tamamlayan “Denver Naggets” favoritliyini təsdiqləyərək yarımfinal seriyasını hamıdan əvvəl yekunlaşdırıb.
Finiksdə keçirilən ilk iki oyunda rəqibinə müqavimət göstərə bilməyən “Naggets” bu dəfə oyunun ilk yarısında məsələni həll edib. Böyük fasiləyə qədər qonaqların üstünlüyü 30 xala çatıb. Bundan sonra Denver komandasının işi bu üstünlüyü əldən verməmək olub. Dürant və komanda yoldaşları nə qədər çalışsalar da, məğlubiyyətdən yaxa qurtara bilməyiblər – 100:125.
“Denver”in heyətində yenə də Nikola Yokiçi qeyd etməliyik. Serbiyalı basketbolçu oyunu tripl-dablla (32 xal+10 ribaund+12 assist) başa vurub. Finiksin ulduzu Buker görüşdə cəmi 12 xal toplayıb.
Beləliklə, seriyada 4:2 hesabı ilə qələbə qazanan denverlilərin rəqibi bu axşam müəyyənləşə bilər. “Qolden Steyt Vorriors” – “Los-Anceles Leykers” seriyasında hesab 3:2 Lebron Ceymsin komandasının xeyrinədir. Ötən oyunda xəsarət alan Entoni Devis “Leykers”ə yardım edə biləcək. Seriyanın 6-cı oyunu Los-Ancelesdə keçiriləcək.
Gecə keçirilən digər qarşılaşmada da qonaqlar qalib gəliblər. Lakin burada cütün taleyi müəyyənləşməyib. Ötən oyun Bostonda qələbə qazanan “Siksers” ev üstünlüyündən yararlana bilməyib.
Qonaqların heyətində Markus Smart 22 xalla ən məhsuldar olub. Lakin həlledici atışları Ceyson Teytum yerinə yetirib. Oyunda ilk 15 atışından 14-də dəqiq olmayan snayper matçın sonlarında sürət yığıb. Onun son 4 üçxallıq atışı qarşılaşmanın taleyini həll edib. Mövsümün oyunçusu Coel Embid dabl-dabl etsə də , filadelfiyalılar məğlubiyyətdən yaxa qurtara bilməyiblər. Son 4 dəqiqə ərzində Embidin əlinə top ümumiyyətlə dəyməyib.
Beləliklə , 95:86 hesablı qələbəylə “Boston Seltiks” seriyada tarazlığı bərpa edib. Həlledici 7-ci oyun bazar günü Bostonda keçiriləcək və Bakı vaxtilə 21:00-da başlayacaq.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…