Ölkə futbolu
“İrəvan” davası: bir yer, iki klub var
Bir qızın iki adaxlısı var. Növbəti mövsüm Azərbaycan çempionatının 1-ci Liqasında mübarizə aparmaq üçün də bir yerə eyni adlı iki namizəd üzə çıxıb.
AFFA İcraiyyə Komitəsi növbəti mövsümdə 1-ci Liqada çıxış edəcək 10 komandanın siyahısını açıqlayıb. Ən üst səviyyədə dəstək verilən “İrəvan” da onların siyahısındadır. “ASK Arena” xüsusi tapşırıqla bu komandanın ixtiyarına verilib və 2024/25 mövsümündə Premyer Liqaya vəsiqə qazanması üçün komandaya yaxşı şərait yaradılacaq.
Amma və lakin… Yuxarı dairələrə təqdimatı verilən “İrəvan” FK və AFFA-nın öz qurumlarının təsisçiliyi ilə yeni yaradılan “İrəvan” İK var. Hər iki klub 1-ci Liqada məhz özlərinin yarışacağını deyir, hər ikisi rərhbərliyini müəyyənləşdirib, baş məşqçi seçib, heyət toplayır.
Bəri başdan qeyd edək ki, hər iki klubun rəhbərliyini tanıyırıq və onların heç biri bu komandanı İrəvana çatdıracaq potensiala malik deyil – biri keçmişi, əməlləri, fəaliyyəti yaxşı xatırlanmayan insanlardan ibarət dəstə, digəri futbola pul qamarlamaq, xüsusi qayğının qoxusunu hiss edərək fürsətdən yararlanmaq istəyən qrupdur. Onların nə birgə, nə də ayrı-ayrılıqda böyük işlər görməsi mümkünsüzdü. Ən yüksək səviyyədə tapşırıq varsa, “İrəvan” düzgün insanların əlində olmalı, sanballı layihə-strategiya hazırlanmalıdır.
Hələlik detallara varmadan ümimu durumla bağlı cavabdeh şəxsləri xəbərdar etmək niyyətindəyik. Təbii ki, prosesi izləyəcəyik, yanlışları ictimailəşdirəcəyik. Hələ gec deyil, AFFA özünü biabır etməmək üçün ƏDALƏTlə davranmalı, problemi beşikdə boğmalıdır. Əks halda problem özü böyüyüb AFFA-nın boğazına sarılacaq.
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Ölkə futbolu2024-05-04 10:19
“Araz-Naxçıvan”ın baş məşqçisi: “Rəqib tapmaq çətinləşir”
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO