Dünya futbolu
İspan hakimlər hamıdan çox qazanır
Avropanın “böyük beşlik” ölkələrində hakimlərin aylıq gəlirləri müəyyənləşib.
Futbolinfo.az saytı xəbər verir ki, ən çox qazanc əldə edən referilər İspaniya La Liqasında fəaliyyət göstərir. Onların aylıq gəlirləri 12 min 500 avrodur. Hakimlər hər oyun idarəçiliyinə 4200, VAR-dakı fəaliyyətə görə isə 2100 avro alırlar. İspaniyada bir hakimin illik qazancı təxminən 250 min avro təşkil edir.
Dünyanın ən gərgin çempionatı sayılan İngiltərə Premyer Liqasında çalışan hakimlər ay ərzində 3700 avro alırlar. Bu, orta hesabla hər matça 300 avro deməkdir. VAR-da oturanlar 1000 avroluq qazanc götürürlər. İngiltərədə bir hakim il ərzində təxminən 110 min avro qazanırlar.
İtaliya A seriyasında aylıq gəlir 3900-6500 arasında dəyişir. Bir qarşılaşmaya 3400, VAR-dakılar 1500 avro alırlar. İtalyan referilər ildə 140 minə yaxın pul qazanırlar.
Fransa Liqa 1-də bir matçdakı idarəçilik 2900, VAR-a təyinat isə 900 avroya bərabərdir. Burada referilər ayda 6000, ildə isə 120 min avro alırlar.
Almaniya Bundesliqasında aylıq rəqəmlər 2500-6000 avro arasındadır. Bir oyundakı idarəçilik 3600 avro qazanc verir. VAR-a baxmaq hakimlərə 1100 avro qazandırır. Bundesliqa referiləri il ərzində təxminən 100 min avro əldə edirlər.
Araşdırmaya görə, Çempionlar Liqasının (ÇL) bir matçında idarəçilik FIFA referilərinə 7000 avro qazandırır. Azərbaycanın FIFA hakimi Əliyar Ağayev isə cari mövsüm ÇL-in qrup mərhələsində bir matçda ədalət təmsilçisi olub. O, G qrupunun son turunda “Kopenhagen” – “Borussiya” (Dortmund) qarşılaşmasında fit çalıb. Danimarkadakı görüş 1:1 hesabı ilə yekunlaşıb.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…