Dünya futbolu
İsveçli hücumçu üçün 11 milyon avro ödədilər
Fransanın “Olimpik” (Lion) klubu heyətini yeni futbolçu ilə gücləndirib.
Futbolinfo.az xəbər verir ki, Liqa 1 təmsilçisi Niderlandın “Herenven” klubunun hücumçusu Amin Sarrı transfer edib.
21 yaşlı futbolçunun transferi üçün 11 milyon avro ödənilib. Onunla müqavilə 2027-ci ilin 30 iyununa qədər nəzərdə tutulub.
Sarr 2022-ci ilin yanvarından oynadığı “Herenven”də 35 oyuna 11 qol vurub. İsveçli hücumçu daha öncə “Malmö”, “Husie” və “Myallbu” kimi klubların da formasını geyinib.
Lion “Olimpik”i yarımmüdafiəçisi Jeff Ren-Adelaidi də “Trua” klubuna icarəyə verib. Fransadan olan 25 yaşlı futbolçu bu mövsümün sonuna kimi Liqa 1-in digər təmsilçisinin uğurları üçün çalışacaq. “Lans”ın yetirməsi olan Jeff Ren-Adelaid 2016-cı ildə bu klubdan London “Arsenal”ına transfer olunsa da, İngiltərə təmsilçisində forma geyinməyib. Bu üzdən də “Anje”yə icarəyə verilib. 2018-ci ildə “Anje” 1.6 milyon avro ödəməklə onun transfer hüquqlarını da alıb. Lionlular isə 2019-cu ilin avqust ayında yarımmüdafiəçini 25 milyon avro qarşılığında heyətlərinə cəlb ediblər. Ren-Adelaid bu komandada meydana çıxdığı 48 oyunda 2 qol vurub.
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq