Müsahibə
Kamran Quliyev: “0:2 məğlub olmaq faciə deyil”
“Neftçi”nin prezidenti Kamran Quliyev “Liv Bona Dea Hospital”la əməkdaşlıq müqaviləsinin imzalanma mərasimində çıxış edib. O, bunları söyləyib:
– Klubumuz ənənəyə sadiq olaraq, öz partnyorlar şəbəkəsəini genişləndirir. Bugünə kimi həm Türkiyənin, həm Azərbaycanın tanınmış markaları ilə iş birliyi qurduq. Bu ənənə davam edir. Bir müddət danışıqlar gedib və uğurlu nəticə ilə qarşınıza çıxırıq. Türkiyənin tibb sektorunda ən tanınmış brendlərdən biri olan “Liv Hospital”la əməkdaşlığa başlayırıq. 3 illik sazişdir. Bu, bütün komandalarımızın tibblə əlaqədar işlərin “Liv Hospital”la aparılması müqavilədə nəzərdə tutulur. Biz də öz tərəfimizdən Azərbaycanın ən böyük futbol markası olaraq reklam mübadiləsi edəcəyik. Bizim üçün şərəflidir. Qardaş ölkədən gələn qurumdur. “Neftçi” ilk qapıları açan klubdur. “Türk Hava Yolları” ilə müqavilə imzalamışıq, nə qədər böyük şirkətlərlə əməkdaşlıq etmişik. İlk tibb şirkəti ilə də əməkdaşlığa biz başlayırıq. Ənənə olaraq deyirik ki, “Neftçi” ailəsinə xoş gəlmisiz.
– Anlaşmanın maliyyə tərəfləri necədir?
– Çox böyük digər reklam işləri nəzərdə tutulur. İki brend bir-biri ilə işləyir. Maliyyə yox, prestij tərəfləri önəmıidir. “Liv Hospital”ı tanımayan yoxdur. Onlar buradan məşhur brendlə əməkdşalıq edir. Əlbəttə, şərtlər var, ancaq ən önəmılisi tanınmadır. Brend brendlə əməkdaşlıq edir. Düşünürəm ki, hər iki tərəf üçün düzgün seçimdir. Tanıdğımız böyük kllublarla çalışırlar.
– Anlaşma necə əldə olundu?
– Klubun qarşısında sektorlar üzrə partnyor axtarışı məqsədi var. Tibb partnorumuzu tapdıq. Hər klub öz xərclərini optilmallaşdırmağı hədəfləyir. Partnoy tapdıqca xərcləri azaltmış olur və futbola yönəldə bilirik. Biznes belə qurulur. Nəyisə qazandızsa, yatırım etməlisiz. Bu, bir günün içində olan iş deyil. Əməkdaşlıq onlara da, bizə də maraqlıdır.
– “Aris”lə oyunda geridönüş gözləyirsiz?
– İlk matçın final fitindən sonra dedim ki, sona qədər mübarizə aparıb, keçəcəyik. Mən futbolçulara, məşqçilərə inanıram. 0:2 faciə deyil. Bacardığımız futbolu göstərmədik. Başqa fikir ola bilməz. Bu komandanın potensialı böyükdür. Cavab oyununu səbirsizliklə gözləyirik. Bu məğlubiyyət son deyil. İnanıram ki, mərhələ keçə biləcəyik.
– Azarkeşləri stadiona səsləyəcəksiz?
– Azarkeşlər komandaya, kluba sahib çıxsınlar, gəlib, komandamızı dəstəkləsinlər. Onların da köməkliyi ilə, inşallah, mərhələ keçəcəyik. Azarkeşsiz “Neftçi”ni təsəvvür etmək mümkün deyil, azarkeşsiz futbol bizə lazım deyil. Bizim fanatlar çılğın olmalıdır, sona qədər komandanı dəstəkləməlidir. Onların narazılığını da başa düşürəm, komandanı yüksəklərdə görmək istəyirlər. Artıq onlayn formada bilet satırıq. Bu, onlar üçün rahatlıqdır. İnanmaq istəyirik ki, stadion dolacaq və azarkeşlər oyuna baxıb zövq alacaqlar.
– Transfer çalışmaları davam edir, yoxsa “Aris”lə oyunun nəticəsindən asılı olacaq?
– Ola bilər ki, “Aris”lə oyun bu işlərə təsir etsin. Hələ qapını bağlamamışıq. O oyunun nəticəsindən asılı olaraq, dayana və ya davam edə bilərik.
– Regekampfla bağlı müşahidələriniz necədir?
– 1 ay tamam olur. Çox böyük peşəkar və yaxşı insandır. Bir oyuna görə heç kimi mühakimə etmək olmaz. Onun klubumuza verəcəklərini zaman göstərəcək. Məşqçilik karyerasında uzun yol qət edib. Onu tənqid etmək olar, 1-2 oyuna görə küsmək olmaz. Öz fəlsəfəsini yeritməsi üçün vaxt lazımdır. Əlində də gözəl futbolçular var. İnanmaq istəyirik ki, bu əməkdaşlıq bizə fayda verəcək. Biz baş məşqçimizə sahib çıxmışıq, çıxırıq və çıxacağıq da.
– Akademiyalarda süni örtüklü meydançaların zədələrə səbəb olduğu məlumdur. Bubunla bağlı yenilik olacaq?
– 100 faiz əmin edə bilmərəm ki, süni və təbii meydança arasında fərq yoxdur. Amma Avropanın nüfuzlu klublarında akademiyalarında süni örtüklü meydançalar yer alır. Əlbəttə, keyfiyyət məsələsi də var. Bizim bununla məşğul olan komandamız var. Konkret plan üzrə nəzarət edilir. Meydança yeni olanda müəyyən müddət ən yaxşı olması normaldır. Bizim meydançalarımız kifayət qədər yüksək səviyyədədir. Bu günə kimi dəhşətli dərəcədə zədələr olmayıb. Bizim meydançalarla İsveçdəkilər arasında böyük fərq yoxdur.
– “Aris”lə oyunun transfer fəaliyyətlərinə təsir edəcəyini söylədiz. Çempionat üçün güclənməyə ehtiyac yoxdur?
– Bu günə kimi ən çox transfer edən “Neftçi”dir. Oyunçunun özünü doğruldub-doğrultmaması məsələsi bütün klublar üçün keçərlidir. Yeni transferlərimiz çox keyfiyyətlidir. Onların uyğunlaşmasından çox şey asılıdır. Keçən il kağız üzərində yaxşı futbolçular gətirmişdik. Hərəsində fərqli problemlər çıxdı. Futbolçu 100 faiz konsentrasiya olmursa, tam bacardığı oyunu göstərə bilmir. Tam dayandığımızı demədik, amma ola bilər ki, oyunun nəticəsi buna təsir etsin (futbolpress.az).