Layihə
“Karvan” həsrəti ilə qonşu rayonlara gedən yevlaxlılar
Ölkəmizdə uşaq və yeniyetmələr arasında futbolun təbliği və kütləviliyinə nail olmaq məqsədi ilə geniş tədbirlər həyata keçirilir. Bir çox bölgələrdə olduğu kimi, Yevlaxda da futbolun inkişafına xüsusi diqqət yetirilir. Burada uşaqların yarışlarda uğur qazanmaları üçün geniş imkanlar yaradılıb.
Məşqçi-müəllimlərin göstərdiyi səylər artıq bəhrəsini verməkdədir. Bu il yevlaxlı futbolçularından üçü artıq ölkəmizdə fəaliyyət görsədən futbol akademiyalarına seçiliblər. Məşqçi-müəllim Valeh Mirzəliyev də əsas məqsədlərinin rayon və kəndlərdən yeni istedadlı uşaq və yeniyetmə futbolçuları seçib komandaya cəlb etmək olduğunu bildirir.
Yevlax futbolu deyəndə ilk öncə ağıla vaxtilə bu şəhəri təmsil etmiş, hazırda fəaliyyətini dayandırıb bütün yevlaxlıları peşəkar futbola həsrət qoyan “Karvan” gəlir. Valeh müəllim bu halın bölgədə uşaq futbolunun inkişafına maneə yaratdığını deyir.
Bölgələrdə uşaq futbolunun inkişafı uşaq və yeniyetmələrin asudə vaxtlarının səmərəli təşkilinə və pis vərdişlərdən uzaq durmasına şərait yaradır. Burada top qovan azyaşlı futbolçular da futbolu çox sevdiklərini və mütamadi təşkil olunan məşqlərdə iştirak etdiklərini vurğulayır.
Qeyd edək ki, burada yetişən və perspektiv vəd edən uşaqlar sonradan yaxın bölgələrin, xüsusən də Qəbələnin və Tovuzun futbol akademiyalarına göndərilir. Halbuki Yevlaxda peşəkar komanda olsa, həmin uşaqlar yetişərək gələcəkdə məhz bu bölgəni təmsil edə bilərlər. Hər halda, burada futbol üçün lazım olan əsas infrastruktur – stadion var. Ən azından rayonda “Karvan”ı yenidən böyük futbola qaytarmaqla bu uşaqların da yolunu açmaq olar.
BƏHRUZ MUSAYEV, Yevlax
Yazı Azərbaycan Respublikasının Medianın İnkişafı Agentliyinin maliyyə dəstəyi ilə hazırlanıb.
Sahə: Uşaq və gənclərin fiziki və mənəvi inkişafında idmanın rolu
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…