Ölkə futbolu
Honda çempion olmağa gəlib: “Hələ karyeramda başqa ölkələr də olacaq”
“Neftçi”nin yeni transferi Keysuke Honda mətbuat konfransında jurnalistlərin suallarını cavablandırıb.
Futbolinfo.az həmin müsahibəni təqdim edir:
- Azərbaycan futbolu haqqında nə bilirdiniz?
- Mən Azərbaycana gəlməmişdən öncə “Neftçi”nin 2 oyununa baxmışam. Komanda müdafiədə yaxşı oynayır. Gücüm çatan qədər hücumda da güclü olmasına kömək edəcəm. “Neftçi” uzun müddət çempion ola bilmir. Bu mövsüm çempion ola biləcəyimizi düşünürəm
- Ölkəmizi seçməkdə hansı məqamlar rol oynayıb?
- Mənim bura gəlmək üçün bir neçə səbəbim var. Öncə dediyim kimi yanvar ayında başqa təklifim var idi. Amma mən Avropada oynamaq istəyirdim. Bu səbəbdən “Neftçi”yə təşəkkür edirəm. Sual verirlər ki, niyə Yaponiyada oynamadın? Yaponiyada kifayət qədər oynamışam və orada oynamaq artıq maraqlı deyildi. Bu mənim üçün yeni çağırışdır. Özümü sübut etməyə çalışıram. Karyeramda çox səhvlər etmişəm. Lakin özümü göstərmək niyyətindəyəm.
- “Neftçi” – “Səbail” (4:0) matçını izlədiniz. Çempionat və komanda haqqında ilkin təəssüratlarınız necədir?
- “Neftçi” üçün çox yaxşı oyun oldu. Səhv etmirəmsə komanda bu mövsüm heç bir komandaya 4:0 hesabı ilə qalib gəlməmişdik. Həmçinin gördüm ki, mən hansı komponentlərdə “Neftçi”yə kömək edə bilərəm. Müdafiəçilərə və qapıçıya əhsən düşür ki, qol buraxmadılar.
- Özünüzü fiziki olaraq hazır sayırsız?
- Fiziki durumum yaxşıdır və formadayam. Futbolda hər şey baş verə bilər, amma oynamağa hazıram. Yaxşı məqam ondan ibarətdir ki, fasilə var və mən komanda yoldaşlarımı daha yaxşı tanıyacam.
- Hondanın növbəti mövsümdə “Neftçi”də qalması üçün nə lazımdır?
- Hazırda proritet məsələ öz oyunuma fokuslanmaqdır. Gələcəyə isə sonra baxarıq. Klub prezidenti dedi ki, 2 aylıq müqavilən var və növbəti mövsüm üçün qərara baxacağıq.
- Portuqaliyada niyə oynaya bilmədiniz? Yaponiyalı iş adamlarının rəhbərlik etdiyi “Portimonense”də oynadınız. Bakı klubunda hər şey yaxşı olsa, ora qayıtmaq istərsiniz?
- “Transfer pəncərəsi” bağlı idi və ona görə oynaya bilmədim. Qaydalar imkan vermədi. Hazırda Portuqaliya klubu haqqında deyil, “Neftçi” barədə düşünürəm. Komandamız uğurlu çıxış etsə, bütün oyunçularımız təkliflər ala bilər.
- Oynadığınız 8-ci ölkə Azərbaycan olacaq…
- Bunu futbola başlayanda təsəvvür etməzdim. Amma karyeramda başqa ölkələr də olacaq.
- Həmdə Kamboca millisinin baş məşqçisisiniz. İki işi necə aparacaqsız?
- Mən həmin komandanın baş məşqçisi yox, baş meneceriyəm. Orada böyük layihə var və yaxşı insanlar işləyir. Onlara köməyə çalışıram. İlk işim “Neftçi”dir, sonra isə Kamboca millisinə vaxt ayıracam.
- Azarkeşlər 10 nömrəni seçəcəyinizi gözləyirdi. Niyə 4 nömrəli formada oynamaq istədiniz?
- 4 rəqəmi xoşuma gəlir. Yaponiya yığmasında da bu formada çıxış etmişəm. 10 nömrəli formada daha az qol vurmuşam, 4 nömrəli formada isə daha çox fərqlənmişəm.
- Siz Tokio-2020 Yay Olimpiya Oyunlarında oynayacaqsınızmı?
- Mümkünsüz heç nə yoxdur. Qaydalara görə yığmada yalnız 23 yaşdan yuxarı 3 futbolçu oynaya bilər. Mən də çalışacam ki, ora qatılım.
- Hamı bilir ki, siz dünya səviyyəli oyunçusunuz. “Neftçi”dəki gənc futbolçulara bir örnək ola bilərsinizmi?
- Çox vacib məqamdır. Bütün dünyada böyük futbolçular gənclərə dəstək olurlar. Bu təkcə meydanda deyil, meydandan kənarda da olmalıdır.
- Ölkə futbolu2024-04-17 17:17
Kadiri yeni məşqçiyə uyğunlaşır: “Zamana ehtiyacımız var”
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- I Liqa2024-04-17 17:34
Apellyasiya Arbitraj Tribunalı AFFA İntizam Komitəsinin qərarını dəyişdi
- Digər idman növləri2024-04-18 17:00
Şahmat Federasiyası yeni loqonun hazırlanması ilə bağlı müsabiqə elan etdi