Digər idman növləri
Kobenin həyat yoldaşı ərinin məhkəmə işindən qalib çıxdı
Kobe Brayantın həyat yoldaşı ərinin sağlığında etdiyi sərmayə ilə bağlı məhkəmə işindən qalib tərəf kimi çıxıb. 2013-cü ildə mərhum basketbolçu “BodyAmor” idman içkiləri şirkətinin səhmlərinin 10 faizini 6 milyon dollara almışdı. Bir neçə il keçdikdən sonra isə şirkət “Coca-Cola”ya 5,6 milyard dollara satılmışdı. Məlumata görə, Kobenin ozamankı investisiyası ailəsinə 400 milyon dollar qazanc gətirib.
Məlum vertolyot qəzasından 6 ay əvvəl “Kobe İnc.”-in prezidenti Molli Karter Brayantın ona bu qazancdan 2% verəcəyini bildirmişdi. Hələ sağ olarkən basketbolçu belə bir vəd vermədiyini dilə gətirmişdi.
Belə olan halda Karter də məhkəməyə yollanaraq payını almağa çalışmışdı. Lakin Kobenin həyat yoldaşı Vanessa bu məhkəmədən qalib çıxmaqdan əlavə, qarşı tərəfi ailə sirlərini açdığına və imicə xələl gətirdiyinə görə məhkəməyə vermişdi.
Vanessanın sözlərinə görə, Karter Kobenin arxasınca nalayiq ifadələr işlədərək onun nüfuzuna ziyan vurmağa çalışıb. Bundan başqa, yenicə doğulmuş övladlarını ələ salaraq onun dodaqlarının “botokslu” olduğunu da dilə gətirmişdi. Molli Karterin qaradərililərə qarşı ikrahla yanaşmasını da Vanessa məhkəməyə şikayət etmişdi.
Beləliklə, məhkəmənin qərarı Vanessanın lehinə olub. Ailələrinə qarşı qaldırılan iddiaları haqsız sayan ədalət təmsilçiləri qarşı tərəfin 1,5 milyon dollar təzminat verəcəyi qərarını qəbul ediblər.
- Ölkə futbolu2024-05-06 10:08
“Dinamo” Mahiri satmaq istəyir, amma…
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Milli komanda2024-05-06 13:09
Aqolli: “Azərbaycanın rəqib seçilməsi doğru addımdır”