Müsahibə
Letiç mövsümün ilk yarısından razıdır – süni meydanlardan başqa…
“Sabah”ın serbiyalı müdafiəçisi Boyan Letiçin futbolinfo.az saytına müsahibəsi
– Mövsümün ilk yarısını “Sabah” üçün necə dəyərləndirmək olar?
– Fikrimcə, çempionatın ilk yarısını “Sabah” üçün müsbət dəyərləndirmək olar. Məncə, mövsümün ilk yarısı klubda hamı üçün əla keçdi.
– Ötən mövsümü 41 xalla başa vuran “Sabah” bu dəfə mövsümün yarısında artıq 43 xal toplayıb. Cari mövsümdəki yüksəlişi nəyə borclusunuz?
– Klubdakı bütün insanların əməyi, nizam-intizamı, iradəsi və istəyi bu yarımmövsümdə belə yaxşı nəticə qazanmağımıza səbəb oldu.
– Çempionatda “Şamaxı” və “Kəpəz”lə ardıcıl oyunlarda xal itirdiniz, ölkə kubokunda “Səbail”ə məğlub oldunuz, son turda isə “Sumqayıt”ı darmadağın etdiniz. Belə bir vəziyyətdə yaranan fasiləni sizin üçün müsbət, yoxsa mənfi hal saymaq olar?
– Həyatda olduğu kimi, futbolda da bu cür hallar olur. Heç kim bundan sığortalanmayıb. Bütün mövsümü eyni tempdə keçirmək çox çətindir. Lakin son oyun göstərdi ki, biz bu vəziyyətdən çıxmağı bacardıq.
– Son oyunlardakı eniş sizi həm kubokdan kənarda qoydu, həm də çempionatda “Qarabağ”dan 7 xal geri atdı. Bu enişin səbəbi nə idi?
– Məncə, bu, normal haldır. Bu, hətta böyük klubların da başına gəlir. Əsas olan səhvlərdən nəticə çıxarmaqdır.
– Artıq bir ilə yaxındır Azərbaycandasınız. Bakıda həyat necə keçir?
– Bakını çox bəyəndim. İnsanlar da mentalitet baxımından mənim ölkəmin insanlarına çox bənzəyirlər. Sadəcə, buradakı nəqliyyat mənim üçün sürpriz oldu.
– Bəs Azərbaycan çempionatı, ölkə futbolu barədə düşüncələriniz nələrdir?
– Fikrimcə, keyfiyyətli liqadır. Burada hər bir komanda digərini məğlub edə bilər. İnfrastruktur və məşq üçün şərait də yaxşıdır. Məncə, yeganə çatışmazlıq süni örtüklərlə bağlıdır. Əvvəllər oynadığım ölkələrlə buranın futbolunu müqayisə etmək çətindir. Çünki hər liqanın özünəməxsus xüsusiyyətləri olur.
– Yaranan bir neçə günlük fasilənin az olduğunu düşünmürsünüz?
– Bu bir neçə gündə vaxtımı ailəm və dostlarımla keçirdim. İstirahət günlərində vaxtımı səmərəli və yaxşı keçirməyə çalışdım ki, mövsümün ikinci yarısı üçün tam enerji yığım.
– Artıq ölkə kubokunda mübarizəni dayandırmısınız. Çempionatın ikinci yarısı üçün hədəfiniz nədir?
– Məqsədimiz mövsümün ilk yarısındakı müsbət çıxışımızı davam etdirmək və çempionatı yaxşı pillədə bitirməkdir.
CAVAD
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…