Dünya futbolu
Nubel yenə “Ştutqart”da qalacaq
“Ştutqart”ın yay transfer pəncərəsi üçün əsas hədəfi Aleksander Nubeli heyətində saxlamaqdır. Almaniya klubu təcrübəli qapıçının azı daha bir mövsüm düşərgəsində qalmasını istəyir.
Futbolinfo.az xəbər verir ki, “Ştutqart” Nubeli yenə icarəyə götürmək istəyir. Qapıçı üçün tələb olunan 15 milyon avro onların büdcəsinə uyğun gəlmir.
Maraqlıdır ki, Nubeli “Bayern”də də gözləmirlər. Münhenlilərin qapıçı məşqçisi Mihael Rehner “SkySportDe”yə açıqlamasında deyib: “Nubelin icarə əsasında “Ştutqart”da qalması daha məntiqlidir. Qarşıdakı günlərdə bununla bağlı danışıqlar davam etdiriləcək. Amma öncə Nubellə mövcud müqavilənin müddətini uzatmalıyıq. Əks halda, onu icarəyə vermək yox, satmaq lazım gələcək”.
2020-ci ildən “Bayern”ə məxsus olan 27 yaşlı qapıçı Manuel Noyerlə rəqabətdə uduzduğu üçün gününü icarələrdə keçirib. O, daha öncə “Monako”da da eyni qaydada iki il oynayıb. Nubelin Münhen klubu ilə müqaviləsi 2025-ci ilin yayında başa çatacaq.
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…
- Digər idman növləri2024-04-12 00:29
“Anadolu Efes” növbəti mərhələdə