Ölkə futbolu
Pul kəsildi, Gəncədə qazon sıradan çıxdı
Gəncə stadionunun durumu ciddi müzakirə obyektidir. Qazonun yararsız vəziyyətə düşməsinə görə hamı günahkar axtarır.
“Kəpəz” – “Səbail” oyununda izlədiyimiz acı mənzərəyə görə həm AFFA, həm də AGİN günahlandırılır. Belə ki, assosiasiya stadionun qazonunu dəyişmişdi və ona qulluğu boynuna götürmüşdü. Bunun üçün hər il AFFA-nın büdcəsindən ciddi məbləğ ayrılırdı. Nazirlik isə stadion balansında olduğu üçün qınaq obyektidir.
Bu gün AGİN bəyanat yayaraq qazonun bərbad durumuna görə məsuliyyət daşımadığını bildirdi: “Gəncə şəhər stadionu Gəncə şəhər Gənclər və İdman Baş İdarəsinin balansında olsa da, “Kəpəz” futbol klubunun istifadəsinə verilib. Buna görə də stadiona xidmət məsələləri, o cümlədən də öt örtüyünün saxlanması və qulluq məsələləri klubun öhdəliyindədir”.
Bu açıqlama təsadüfən verilməyib. Belə ki, arena kluba təmənnasız icarəyə verilib və nazirlik icarəçinin qazona qulluğa görə də məsuliyyət daşıdığını bildirmək istəyir.
Hətta bu açıqlama da problemin kimdən qaynaqlandığını tam açıqlamır. Gizli məqamlar var və bütün tərəflər əsl səbəbi gizlədir.
Əldə etdiyimiz bilgiyə görə, problem qazona qulluq etməli olan “AgroSport”dan qaynaqlanır. AFFA-nın vitse-prezidenti Elxan Məmmədova bağlı olan və illərdir milyonların “ötürüldüyü” bu şirkət qazonlara qulluqda monopoliya yaradıb. AFFA-nın balansında olan, eləcə də bu quruma bağlı komandaların hamısına qulluq işləri məhz “AgroSport”a tapşırılıb. Elə bir vəziyyət yaradılıb ki, bütün tenderləri eyni adamlar udur və onlar rəqabətsizlik mühitində onmilyonları qamarlayır.
Son bir neçə ayda bu şirkətə AFFA-dan ödənilən məbləğlər dayandırılıb. Qiymətlərin həddindən artıq yüksək olması səbəbindən hesabat istənilib, tələb yerinə yetirilməyincə maliyyə kəsilib. Məmmədov öz şirkətinə pul köçürülməsində səlahiyyəti itirdiyindən əvvəlki kimi həlledici gücə malik deyil. Belədə “AgroSport” işi dayandırıb və qazonlarda problem yaranıb.
Eyni mənzərə tezliklə digər stadionlarda da olacaq. “AgroSport” bəlkə də bununla “bizsiz olmaz” mesajı verməyə çalışır. Amma bu problem də həllini tapacaq. Sözügedən şirkətə ayrılan və havaya sovrulan milyonlar daha səmərəli şəkildə sərf olunacaq , alternativ şirkətlər eyni işi daha ucuz və daha keyfiyyətli görəcək. İllərdi “Qəbələ”də və “Qarabağ”da olduğu kimi…
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…
- Digər idman növləri2024-04-12 00:29
“Anadolu Efes” növbəti mərhələdə