Ölkə futbolu
“Qəbələ” Antalyadakı son oyuna hazırlığı başa vurdu
Türkiyədə təlim-məşq toplanışında olan “Qəbələ” mövsümün ikinci yarısına hazırlığını davam etdirir.
Futbolinfo.az xəbər verir ki, “qırmızı-qaralar” Antalya şəhərində təşkil olunan təlim-məşq toplanışının 13-cü gününü başa vurub.
Komanda günü bir məşqlə yekunlaşdırıb. Elmar Baxşıyevin yetirmələrinin hazırlıq prosesi günün ilk yarısında gerçəkləşib. Məşq toplu və topsuz çalışmalardan ibarət olub.
“Qəbələ” hazırlığın 14-cü günündə növbəti yoxlama matçında qüvvəsini sınayacaq. “Qırmızı-qaralar” Antalyadakı sonuncu yoxlama oyununda Rumıniyanın “Konkordiya” klubu ilə üz-üzə gələcək. Görüş “Arkadia” meydançalarında baş tutacaq. Elmar Baxşıyevin yetirmələrinin qonşu ölkədəki 4-cü matçı Bakı vaxtı ilə saat 18:30-da başlayacaq.
Knyajnanı təmsil edən “Konkordiya” 1957-ci ildə yaradılıb. 63 illik tarixə malik klubun ən böyük uğuru Liqa kubokunun finalına yüksəldiyi 2015-2016-cı illər mövsümünə təsadüf edib. Ötən mövsüm Liqa 1-də 14-cü yeri tutan komanda aşağı dəstəyə yuvarlanıb. Cari çempionatın 19 turunda 21 xal toplayan Knyajna təmsilçisi qış fasiləsinə 20 komanda arasında 16-cı yerdə yollanıb.
Xatırladaq ki, bunadək üç yoxlama oyunu keçirən “Qəbələ” Macarıstanın MTK (0:3), Rusiyanın “Çayka” (3:0) və Bolqarıstanın “Etar” (0:0) klubları ilə üz-üzə gəlib.
Yoxlama oyunu
25 yanvar
18:30. Qəbələ – Konkordiya (Rumıniya)
“Arkadia” meydançaları.
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı