Premyer-liqa
“Qəbələ”nin futbolçusu 15 qolla 16-cı oldu
Ülvi İsgəndərov “Qəbələ”nin heyətində 15-ci qolu vurub.
Futbolinfo.az xəbər verir ki, o, Misli Premyer Liqasının XIII turunun “Zirə” ilə ev matçında yubiley topuna imza atıb.
25 yaşlı hücumçu 90+3-cü dəqiqədə meydanın mərkəzindən vurduğu baxımlı qolla “qırmızı-qaralar”a 1:0 hesablı qələbə qazandırıb. Ülvi “Qəbələ”nin heyətində meydana çıxdığı 87-ci rəsmi matçda 15-ci dəfə rəqib qapısına yol tapıb.
O, klub tarixində 15 və daha çox qol vuran 16-cı futbolçudur. Bombardirlər cədvəlinə isə 33 topla Viktor Mendi başçılıq edir.
Qəbələ şəhər stadionundakı qarşılaşma İsgəndərovun Premyer Liqada komandamızın heyətində yubiley – 75-ci matçı olub. O, bu görüşlərdə 12-ci dəfə fərqlənib. Hücumçu digər üç qoluna ölkə kubokunda imza atıb.
Xatırladaq ki, Ülvi “Qəbələ”də ilk qolunu 2017-ci il noyabrın 29-da Azərbaycan kubokunun “Mil-Muğan”la oyununda (8:0) vurub.
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…
- Premyer-liqa2024-04-20 20:55
“Zirə” “Neftçi”yə qalib gəldi