Dünya futbolu
“Qızıl buts” uğrunda gərgin mübarizə
Futbol çempionatlarında mövsümün böyük hissəsi geridə qalıb. “Qızıl buts” uğrunda mübarizə isə gərgin fazadadır.
Keçən il bu mükafat Erlinq Haalanda qismət olmuşdu. “Mançester Siti” ilə trebl edən norveçli forvard 72 oyunda 36 qol vurmuşdu.
Mükafata bu mövsüm əsas namizəd 3 nəfərdir. Hazırda ilk sırada Harri Keyn gedir. İngiltərəli forvard “Bayern”də debüt mövsümündə çox məhsuldardır. Onun aktivində 24 qol var.
İkinci sırada Kilian Mbappedir. 2017-ci ildə “Monako”dan PSJ-yə keçən forvard, hər mövsüm ən azı 24 qol vurur. Görünən odur ki, fransız futbolçu bu mövsüm də həmin səddi keçəcək. PSJ-dən gedəcəyini bəyan edən Mbappenin aktivində 21 qol var.
“İnter” komandasının forvardı Lautaro Martines də bu mövsüm yenidən əvvəlki məhsuldarlığını qaytarıb. Argentinalı hücumçu artıq 20 qolun müəllifidir. Son vaxtlar formada olan Lautaronun sona qədər bu mübarizədə olacağı görünür.