“Rolan Qarros” turnirinin rəsmi posteri təqdim edildi

Fransa Açıq Çempionatının mətbuat xidməti 2024-cü ildə keçiriləcək turnirin rəsmi posterini nümayiş etdirib.

45-ci dəfə keçiriləcək yarışların posterinin müəllifi fotoqraf Pol Rustodur. Posteri hazırlayarkən o, süni intellektin köməyindən yararlanıb. Şəkildə Parisdən keçən Sena çayı təsvir edilib.

“Mən Parisi göstərmək istəyirdim. Ancaq onunla birlikdə turnirin keçirildiyi torpaq kortalrı da əks etdirməyə çalışırdım. Kortu divarlarda, binalarda küçələrdə göstərməyə çalışırdım. Şəhərə yuxarıdan baxdıqda onun boz olduğunu görürsən. Ancaq mən ona torpaq kortunun rəngini vermək fikrindəydim. Sonra Senanı çəkmək beynimə gəldi. Yarışlar zamanı şəklini çəkmək üçün vaxtım olmadı. İdeyalarım çox olsa da, fotoşəkillər vasitəsilə onları gerçəkləşdirmək mümkün deyildi. Buna görə də , süni intellektin köməyinə əl uzatdım. Bu da ideyanın reallaşmasına imkan yaratdı və Parisin tennisə necə bağlı olduğunu ortaya qoydu”, – deyə müəllif posterin təqdimatı zamanı vurğulayıb.