Ölkə futbolu
Sezar Meza Kolli rəsmən “Neftçi”də!
“Neftçi” ilk transferini rəsmiləşdirib. Futbolinfo.az xəbər verir ki, paytaxt klubu paraqvaylı futbolçu Sezar Meza Kollini heyətinə qatıb.
Bu barədə klubun rəsmi saytı məlumat yayıb. Sezarla 2 illik – 2022/23 mövsümünün sonunadək müqavilə imzalanıb.
29 yaşlı yarımmüdafiəçi yeni komandasının heyətində “10” nömrəli formanı geyinəcək.
Sonuncu klubu “Keşlə” (2013-2016, 2018, 2019-2021) olan Sezar Meza Kolli 2016/17 mövsümündə “Zirə”də oynayıb. O, bundan başqa İtaliyanın “Çezena” (2011-2012), “Pavia” (2012-2013), İspaniyanın “Alaves” (2012) və Rumıniyanın “Universitatya Krayova” (2018) klublarında çıxış edib.