Müsahibə
Slavik “Kəpəz”lə oyunu unutmaq istəyir: “Onların günü idi”
“Sabah”ın müdafiəçisi Slavik Alxasovun futbolinfo.az-a müsahibəsi
– Turnir cədvəlinin sonuncu pilləsində qərarlaşmısnız. Mövsümün əvvəlində iddialı görünən komanda niyə özünü göstərə bilmədi?
– Hazırda turnir cədvəlinin sonuncu pilləsindəyik. Amma bu o demək deyil ki, belə olacağı ilə barışmışıq. Bütün diqqətimizi və fikrimizi gələcək oyunlara yönləndirmişik. Maksimum nəticə əldə etmək istəyirik.
– Nəticələrdən sonra bu barədə müzakirə aparırsız?
– Hər zaman həm məşqçi heyəti, həm komanda olaraq rəhbərliklə danışırıq. Rəhbərliyimiz bizə inanır və biz də qarşılığını vermək istəyirik. Onların inamını doğrultmalıyıq.
– Son oyunda “Kəpəz”ə məğlubiyyətiniz gözlənilməz oldu…
– Uduzacağımızı gözləmirdik. Futbolda belə oyunlar olur. “Kəpəz” komandasını aşağılamaq istəmirəm, lakin həmin gün onların günü idi.
– Bu məğlubiyyəti faciə saymaq olar?
– Geridə qalmış oyun barədə çox danışmaq istəməzdim. Əsas məqsəd qarşıya baxmaq, səhvlərdən nəticə çıxarıb irəlidə bunları təkrarlamamaqdır. Ümid edirəm ki, komanda vəziyyəti düzəldə biləcək.
– Səncə, mövsümün sonunda maksimum hansı pilləyə qalxa bilərsiniz?
– Yaxşı yerlərdə olmaq mümkündür, niyə də olmasın? Biz özümüzə inanırıq, fikrimiz də bunu sübut etməkdir ki, biz yaxşı komandayıq. İndi deyə bilmərəm ki, sonda hansı pillədə olacağıq. Bunu görəcəksiniz.
– Mütəxəssislərin əksəriyyəti baş məşqçiniz Viktor Qomesin komandaya uyğun olmadığını düşünür…
– Bu, mənə aid sual deyil. Mənim işim verilən tapşırıqları yerinə yetirməkdir.
AĞA
- Premyer-liqa2024-04-14 20:55
“Qarabağ” “Sabah”a uduzdu
- Premyer-liqa2024-04-14 22:16
“Bir rəqiblə 4 dəfə oynamaq bizim üçün maraqsızdır” – Qurbanov
- Ölkə futbolu2024-04-15 10:17
“Qarabağ” üçün daha iki potensial rəqib
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir