Subimendi üçün arzuolunmaz şərt

“Barselona” çoxdandır maraqlandığı Martin Subimendi üçün hərəkətə keçə bilər. İspaniya klubu digər variantlar reallaşmasa, seçimini bu yarımmüdafiəçi üzərində edəcək.

Futbolinfo.az xəbər verir ki, “Real Sosyedad” oyunçusunu satmağın əleyhinə deyil. 60 milyon avro qiymət qoyulan oyunçuyla bağlı “Barselona”nın da müsbət rəyi var.

Tərəflərin anlaşa bilmədiyi yeganə məqam transfer haqqının ödənişiylə bağlıdır. “Barselona” futbolçunun transfer haqqını hissələrlə bir neçə ilə ödəmək istəyir, san-sebastyanlılar isə bütün məbləğin dərhal ödənilməsinin tərəfdarıdır. Bu səbəbdən keçidin reallaşması yubanır. “Real Sosyedad” şərtlə razılaşsa, transfer elə bu qış baş tutacaq.

“Real Sosyedad” 23 yaşlı yetirməsi ilə 2026/27 mövsümünün sonuna kimi davam edəcək müqaviləyə sahibdir. Oyunçunun istedadına bələd olduqlarından böyük klubların diqqətini çəkəcəyindən əmindirlər və hər şərtə razılaşmırlar.