“Sumqayıt” qarışdı: sponsorların biganəliyi futbolçuların gedişinə səbəb olacaq

Ölkəmizi Avropa Liqasında təmsil edəcək “Sumqayıt”da vəziyyət pisləşir. Klubun sponsoru olan “Azərkimya” yerli azarkeşlərin çoxdankı arzusunu reallaşdırmış klubun büdcəsini nəinki artırmır, əksinə, hazırkı heyəti qorumaq üçün lazım olan addımları da atmır.

Bu səbəbdən əksər futbolçular komandanı tərk etməyə qərar verib. Sabah klub rəhbərliyinin onlara son cavabı açıqlanmalıdı. Müsbət dəyişiklik olmasa, əksəriyyəti başqa klublara anlaşmış bir çox futbolçu düşərgəni tərk edəcək. Qitə yarışlarının startına kimi çox vaxt qalmadığından, “kimyaçılar”ın toparlanmaq üçün demək olar, vaxtı qalmayacaq. Heyəti yeniləmək, kasad bazarda lazım olan oyunçuları tapmaq mümkünsüzdü.

Sponsorlar, klub rəhbərliyi vacib addımlar atmasa, “Sumqayıt” Avropa Liqasında gənclərin ümidinə qalacaq. Belədə hansı nəticənin reallaşacağı heç kimə sirr deyil. Eyni zamanda növbəti mövsümlə bağlı da ciddi suallar yaranacaq, son illər yüksəliş qrafiki ilə irəliləyən klubun inkişafı dayanacaq.