Dünya futbolu
Vlahoviç – Lukaku əvəzetməsi olmayacaq
Duşan Vlahoviç Londonun “Çelsi” klubuna keçməyəcək. Bu barədə məlumatı “Sky Sport İtalia” yayıb. Mənbənin verdiyi xəbərə görə , ingiltərəlilər Vlahoviçlə Romelu Lukakunun dəyişdirilməsi variantından vaz keçiblər.
Futbolinfo.az xəbər verir ki, Vlahoviç son mövsümdə “Yuventus”un heyətində 42 oyunda meydana çıxıb. Bu matçlarda serbiyalı futbolçu 14 qol vurmaqla yanaşı 4 dəfə də məhsuldar ötürmə edib. 23 yaşlı hücumçunun Turin klubu ilə 2026-cı ilin yayına qədər müqaviləsi var.
“Transfermarkt”ın versiyasına görə, forvardın bazar qiyməti 70 milyon avrodur. Onunla Madrid “Real”ının da maraqlandığı xəbərləri dolaşırdı. Lakin sonradan ispanlar bu xəbərlərin yalan olduğunu bəyan etdilər. Lukakunun isə bir neçə komandadan təklifi var. Həmin təkliflərdən biri də Səudiyyə Ərəbistanı klubundan olub.