“Yuventus” Vlahoviçə danimarkalı əvəzedici tapdı

“Yuventus” Duşan Vlahoviçin komandanı tərk edəcəyi ilə barışıb. Turindəki durumundan məmnun olmayan serb hücimçi çoxsaylı müştərilərindən biri ilə anlaşmaq niyyətindədir.

Futbolinfo.az xəbər verir ki, “Yuventus” hesabından 15 xal çıxıldıqdan sonra Çempionlar Liqasından kənar qalmaq təhlükəsi ilə üz-üzə olduğundan Vlahoviç Avropa nəhənglərindən birinə yollanmaq niyyətindədir. İtaliya klubu da ürəyi klubda olmayan hücumçunu saxlamaq istəmir. Bu səbəbdən forvardın satışı üçün təkliflərdən ən yaxşısı dəyərləndiriləcək. 3 illik müqaviləsi qalan serb üçün 100 milyon avro tələb olunur.

Turinlilər onu əvəz edəcək hücumçunu da tapıb. “Atalanta”nın 20 yaşlı danimarkalı hücumçusu Rasmus Hoylund yayda Turində görünə bilər. Ötən yay “Şturm”dan 17 milyon avroya alınan forvardın berqamolularla 2026/27 mövsümünün sonunadək müqaviləsi var. Lakin bu, onun transferinə əngəl olmamalıdır.