Müsahibə
Mustafa Dənizli: "Bu, təkcə bizdən asılı deyil"
Bu gün "Xəzər Lənkəran"ın baş məşqçisi M…
Bu gün "Xəzər Lənkəran"ın baş məşqçisi Mustafa Dənizli jurnalistlər üçün mətbuat konfransı keçirdi. Futbolinfo.az xəbər verir ki, cənub klubunun türkiyəli çalışdırıcısı öncə bunları söylədi:
– Öncə Türkiyənin Soma vilayətində baş verən hadisələrə görə, Topaz Premyer Liqasının sonuncu turunda 1 dəqiqlik sükutla yad edilməsini təşkil edən PFL rəhbərliyinə təşəkkür edirəm. Buraya gəldiyim gündən etibarən "Xəzər Lənkəran" komandasında etdiklərimiz və edə bilmədiyimiz işləri sizinlə paylaşmaq istədim. Bundan sonra bu imkanı əldə etmək bir az çətin olacaq. Azərbaycana gəlmə səbəbini, məqsədimi sizinlə bölüşmək istəyirəm. Burada qış fasiləsindən sonra çalışmağa başladım. O zaman "Xəzər Lənkəran"ın heç bir iddası yox idi. Həmin vaxt komandanın cəmi 15 xalı var idi. Klubun fəxri prezidenti Mübariz Mənsimovu daha öncədən tanıyıram. Həmin vaxt avrokuboklara yalnız ölkə kuboku ilə çıxa bilərdik. Çempionat oyunlarında itirdiyimiz xalları sonradan bərpa etmək olur. Ancaq kubok oyunlarında belə deyil. "Qəbələ" ilə kubokun yarımfinalının ilk oyununda komandamız yaxşı durumda deyildi. Cavab matçında isə oyuna yaxşı başlamağımıza baxmayaraq, bir səhv nəticəsində qapımızda gördüyümüz qol ümidlərimizi tükətdi. Daha sonra çempionatda qazandığımız xallar bizim yüksək yerlər uğrunda mübarizə aparmağımız üçün yetərli olmadı. Klub rəhbərliyi ilə azarkeşlərimiz bizə lazımı dəstək verdi. İngiltərə və İspaniya çempionatlarına nəzər yetirsəz, çempionluğa oynayan komandaların son iki həftədə nələr itirdiyinin şahidi ola bilərsiz. Bizdən gözlənilən nəticələri verə bilmədik. Bunu qəbul etməliyik. Bundan sonra idarə heyəti ilə hədəfləri, aşağı yaş qrupu ilə bağlı nələr edə biləcəyimizi müzakirə etdik. Bundan sonra bizi daha maraqlı çempionat gözləyir. Azərbaycan komandalarıın ən böyük problemləri gənc oyunçularla bağlıdı. Hazırladığım planları rəhbərliyə təqdim etmişəm. Bizim legioner futbolçuların transferinə ehtiyacımız yoxdu. Daha çox yerli futbolçulara üstünlük verəcəyik. Bunların nə dərəcədə gerçəkləşəcəyini bilmirəm. Türkiyədə və bir çox ölkələrdə çalışdığım müddətdə hər zaman iddialı olmuşam. Ancaq bu mövsüm bundan kənarda qaldım. Uğur qazanmadan həmin komandanı yarı yolda buraxmaq kimi niyyətim yoxdu. Kubok oyunlarında fürsətlərimizi dəyərləndirə bimədik. Bir oyundan sonra mövsüm artıq başa çatacaq. Buraya gəldiyim gündən tanıdığım və tanımadığm media nümayəndələrinə təşəkkürümü bidirirəm. Bizim üçün tərif nə qədər önəmlidisə, tənqid də bir o qədər vacibdi. Bu, sadəcə mənim hox , bu işi görən hər bir şəxsin qarşılaşa biləcəyi durumdu. Bütün media nümayəndələrinə təşəkkür etmək istəyirəm.
– Özünüz də qeyd etdiniz ki, uğurlu bir məşqçi olmusuz. Ola bilərmi ki, Azərbaycan çempionatını zəif gördüyünüz üçün burada nəticə qazana bilmədiz?
– Mövsümün əvvəlindən bu işə başlasaydım, sualınıza tam əminliklə cavab verə bilərdim. Buraya gələndə komanda 8-ci pillədə idi. Mən gəldiyim gündən bütün matçları qazansaydıq, 60 xal əldə edərdik. Çempionluğun nə qədər çətin olduğunu turnir cədvəlinə baxarkən görə bilərdiz. Çalışacağıq ki, növbəti mövsümdə bu yarışa ilk gündən uğurla başlayaq.
– Uğursuz nəticələrdən sonra tribunalar da boş qalır. Düşünmürsüz ki, azarkeşlərinizin sizə olan inamı artıq itib?
– Düzdü, istənilən halda bu, azarkeşlərimizə də pis təsir edir. Bütün uğursuzluqlar azarkeşlərə də xoş deyil. Bunları normal qarşılamaq lazımdı.
– "Simurq"la oyuna getməkdənsə, "İnter" – "Qəbələ" matçına baxmağa üstünlük verdiz. Bunu futbolçularınıza olan imansızlıq adlandırmaq olar?
– Bildiyiniz kimi, mənim səhhətimdə problem var idi. Uzun yolu qət etməyim mənim üçün bir az da çətin olacaqdı. Oğuz Çətin komandanın başında idi. Ona güvənirəm. Turnir cədvəlindəki yerimizi nəzərə alsaq, "Simurq"la oyun bizim üçün bir o qədər də əhəmiyyətli deyildi. Əlimə fürsət düşmüşkən, transfer siyahsında olan yerli futbolçuların oyununu izləmək istədim. Çünki vaxtımız azdı. Belə bir şans bir də olmaya bilərdi.
– Sizin yoxluğunuzda Oğuz Çətin "Xəzər Lənkəran"ı meydana çıxardığı matçlarda komanda məğlub olmayıb. Bəlkə, Oğuz bəy sizdən fərqli olaraq futbolçularla mülayim davranırdığı üçün yaxşı nəticələr qazanılır?
– Futbolda intizamlı və mülayim olmağın öz zamanı var. Komanda bizə əmanətdi. Komanda üzvləri ilə mülayim davrandıqdan sonra nəticə qazanacaqsa, elə mövsümün sonuna qədər də bel davam edərik. Elə vaxtlar olur ki, futbolçularımla deyib-gülürəm. Bizim üçün çətin oyunlar oldu. Çempionluğa oynayan komandaları istər evdə, istərsə də səfərdə məğlub etməyi bacamışıq. Ancaq buna baxmayaraq cəmi 2 pillə irəliləyə bildik.
– Rəhbərlikılə sonuncu dəfə nə zaman görüşmüsüz?
– Rəhbərliklə ötən həftə görüşdük. Hazırladığım təkliflərə rəhbərlik baxacaq. Onlar da imkanlara uyğun bunu dəyərləndirəcək. Hazırda yerli futbolçularla bağlı əziyyət çəkirik. Qarşıdakı mövsümdə isə yerli futbolçu limiti 5-ə qalxacaq. Şərtlərimiz ortadadı, gərcəkləşməsini isə bu gün deyə bilmirəm. Bu, təkcə bizdən asılı deyil. Burada futbolçunun da fikiri önəmlidi.
– Rəhbərlik tələblərinizi qəbul etməsə, istefa verəcəksiz?
– Heç mənim istefa verdiyimi görmüsüz? Çalışdığım klublarda müqaviləm bitdikdən sonra ayrılmışam. Almaniyadan ayrılmağım isə "Qalatasaray"a yeni prezidentinin gəlməsi ilə bağlı idi. Müqavilə şərtlərim "Qalatasaray"a qayıtmağımı tələb edirdi.
– Mübariz Mənsimovla görüşünüz bir qədər uzun çəkdi. Sizi qəbul etmək istəmirdi?
– Mən Mübariz bəylə telefonla da danışa bilərdim. Müalicə məqsədi ilə getdiyimi siz də bilirsiz. Sadəcə, Mənsimov xaricdə idi. Getmişkən onunla da görüşmək imkanı tapdım.
– "Rizəspor"un prezidenti o vaxt açıqlamasında "Mustafa Dənizlini saxlasaydıq, iflas olardıq" demişdi. İndi "Xəzər Lənkəran" rəhbərlyindən yeni futboluların transfer edilməsini istəyirsiz. Eyni durum cənub klubunda da yaşana bilər…
– "Rizəspor" prezidentinin ikinci bir açıqlaması da var idi. Görünür, həmin açıqlama ilə tanış olmamısız. O, daha sonra "kaş Mustafa Dənizlinin istədiyi futbolçuları alardıq" demişdi. Türkiyə Super Liqasında hər qalibiyyətə görə klublar 450 min pul alır. Liqada yerini saxlaya bildinsə, bu, ildə 9-10 milyon deməkdi. Sonradan "Rizəspor" 25 futbolçu transfer etdi. Hər bir futbolçunun transfer qiyməti isə 700 mindən aşağı deyildi. Həmin vaxt isə mən cəmi 9 futbolçu istəmişdim.
– "Xəzər Lənkəran"da futbolçuların maaşları gecikir. Bunun səbəbi nədi?
– Futbolçuların maaşlarının gecikməsi yeni oldu. Burada naahatlığa səbəb olacaq heç nə yoxdu. Sadəcə, qısa müddətə gecikmə var. İnanıram ki, klub prezidenti tez bir zamanda bunu aradan qaldıracaq.
– Qış fasiləsində Elias Ribeyro və Vyekoslav Tomiç kimi bahalı transferlər etdiz. Ancaq onların ümidləri doğrultmadığının şahidi oluruq…
– Elias və Tomiç 3-6 aylıq transferlər deyil. Onların uyğunlaşması üçün zamana ehtiyac var. Yerli futbolçular ala bilmədiyimiz üçün, yanvar ayında onları transfer etdik. Buna baxmayaraq, onlar keyfiyyətli futbolçulardı. Yerli futbolçularla bağlı heyətimiz kasaddı. Qış fasiləsində 4 yerli futbolçu transfer etmək niyyətindəydik. Onların transfer olunmama səbəblərini də mən bilirəm. Onun üçün də yerli futbolçuların alınmasına ehtiyacımız var. Göndəriləcək oyuncularin yerinə futbolçu almasaydıq, daha pis durumda qalardıq.
EMİN SƏFƏROV