Müsahibə
Rail Məlikov: "Qəbələ"də qalacam"
"Qəbələ"nin müdafiəçisi Rail Məlikovun futb…
"Qəbələ"nin müdafiəçisi Rail Məlikovun futbolinfo.az saytına müsahibəsi
– Mövsümün son turunda "Sumqayıt"la qarşılaşacaqsız. Bu oyuna hazırlıq necə gedir?
– Artıq hazırlığa başlamışıq. Hər şey qaydasındadı. Bu oyunda yalnız qələbə üçün meydana çıxacağıq.
– Son oyundan asılı olaraq, mükafatçılar sırasına düşə bilərsiz…
– Bəli, bu səbəbdən "Sumqayıt" üzərində qələbə qazanmalıyıq. Təbii ki, "Simurq" – "Neftçi" oyunundan da çox şey asılıdı.
– "Sumqayıt" heç də asan rəqib deyil. "Neftçi"ni, "Qarabağ"ı, hətta "Qəbələ"ni belə məğlub etməyi bacarıb…
– İlk dövrədə bizi məğlub etmişdilər. "Sumqayıt"ı yüksək səviyyəli rəqib kimi dəyərləndiririk. Ona görə də bu oyuna rahat çıxmaq olmaz. Kim "Sumqayıt"a qarşı rahat çıxır, həmin komanda məğlub olur.
– Premyer Liqada mükafatçılar sırasına düşmək üçün də, kubok qazanmaq üçün də "Neftçi" ilə mübarizə aparırsız. Sizcə, nəticə necə olar?
– Hər ikisini də qazanmaq öz əlimizdədi. Son turda "Sumqayıt"ı məğlub etməliyik, amma Zaqatalada keçiriləcək oyundan da çox şey asılıdı. Kuboku qazanmaq isə tamamilə özümüzdən asılıdı. Yaxşı oynasaq, güclü olsaq, qələbə qazanacağıq.
– "Qəbələ" üçün mövsümü necə dəyərləndirirsiz? Bir müddət uğursuzluq oldu, amma komanda yenidən toparlanmağı bacardı…
– Əgər komanda uğursuz nəticələrdən sonra toparlanırsa, mükafatçılar sırasına düşmək üçün mübarizə aparırsa və kubokun finalına qədər gəlirsə, mən bunu yüksək dəyərləndirirəm.
– Avrokuboklarda nəyə ümid edirsiz?
– Bunu zaman göstərəcək. İndidən deyim ki, belə edəcəyik, elə edəcəyik, bu, düz çıxmaz. Hələ ki, fikrimizi kubokun finalına yönəltmişik. Final oyunundan sonra Avroliqa haqqında düşünəcəyik.
– Komandanın bir üzvü kimi hansı mövqelərin gücləndirilməsini düşünürsüz?
– Belə baxanda, hər bir mövqeyə oyunçu lazım ola bilər. Mən bunu deyə bilmərəm. Bunlar məşqçi və rəhbərlik səviyyəsində daha düzgün müzakirə edilir.
– Mövsümün sonunda "Qəbələ"ni tərk edəcəyiniz deyilir…
– Bunları kim deyibsə, hamısı yalnış məlumatlardı, boş söhbətlərdi. Mən komandamdan çox məmnunamsa, buradan niyə ayrılmalıyam ki? Yenə deyirəm ki, belə bir şey yoxdu.
RÖVŞƏN ƏHLİMANOĞLU
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”