Müsahibə
Yuri Syomin: "Qəbələ" bu mübarizəyə hələ hazır deyil"
“Qəbələ”nin baş məşqçisi Yuri Syomin Rusiya m…
“Qəbələ”nin baş məşqçisi Yuri Syomin Rusiya mətbuatına müsahibəsində Moskva “Spartak”ına qayıtmaq şanslarına toxunmaqla yanaşı, Azərbaycandakı mövsümü qiymətləndirib və Marat İzmaylovdan danışıb. Futbolinfo.az Syominin müsahibəsini diqqətinizə çatdırır:
– Sizi bu yaxınlarda “Spartak”la əlaqələndirmişdilər. Biz belə başa düşürük ki, siz Rusiyaya qayıtmağın mümkünlüyünü heç zaman istisna etməmisiz…
– Ümid edirəm ki, təkliflər gələcək. Ancaq hələ bunlar yoxdu. Düşünürəm ki, nə haqdasa danışmağın vaxtı deyil. Xüsusilə də mənim “Qəbələ” ilə qüvvədə olan müqaviləm var. Rusiyada mənə tələb olarsa, işləyəcəm. Əks halda, faciəyə çevirməyəcəm.
– “Qəbələ”də debüt mövsümü başa çatır. Bunu özünüz üçün necə qiymətləndirirsiz?
– Yəqin ki, lap əvvəldən başlamaq lazımdı. Mövsümün başlanması ərəfəsində komandada ciddi dəyişikliklər baş verdi: ötənilki heyətdən tək-tük futbolçular qalmışdı. Biz bir yığın oyunçu dəvət etdik. Uzun müddət liderlik edirdik. Oyunçuların yaxşı köklənməyə əsası vardı. Ancaq daha da güclənməyə nail olduğumuz qış fasiləsindən sonra hər şeyin artan xətt üzrə gedəcəyinin təsəvvürü yarandığı bir halda, əksinə oldu. Nə üçün? Müfəssəl cavab vermək çətindi. Ancaq indi artıq aydındı ki, oyunçuların hazırlığı öz sözünü dedi. Bəziləri müxtəlif səbəblərdən toplanışlara sadəcə, gəlib çıxa bilmədilər. Gələnlər isə, o cümlədən, Marat İzmaylov axı bu mərhələni keçməmişdilər… Bir neçə oyunu gözlənilmədən məğlub olduq. Sonra zədələr epidemiyası baş aldı və biz titul uğrunda mübarizədən kənarda qaldıq. Zənnimcə, komandamız bu mübarizəyə hələ hazır deyil. Axı biz elit oyunçuları dəvət etməmişdik. Ləğv edilmiş Kiyev “Arsenal”ından futbolçular gəlmişdilər. Kimlərsə “Volın”dan gəlmişdi… Rusiya liqasından oyunçu dəvət ütmək, ümumiyyətlə, asan deyil.
– İzmaylovun dəvəti də səhv idi?
– Qətiyyən yox! Əksinə, bu, kömək idi. Gənc oyunçular əsl peşəkarın nə demək olduğunu, bu oyunçunun texnikasının necə olduğunu gördülər. Ancaq ilk vaxtlarda Marat da fiziki cəhətdən hazır deyildi: o, “Portu”da kifayət qədər uzun müddət oynamamışdı. İndi isə o, yaxşı səviyyədə oynayır: oyunun müqəddəratını həll etdiyi çoxlu oyunlar olub.
– Bəs yığmaya qayıtmağa onun gücü yetər?
– Dünya çempionatına getməsi artıq real deyil. Vaxt azdı. Məşqçi də onu görməli və İzmaylova çox inanmaq lazımdı. Kapello isə hesab edirəm ki, Maratı yaxşı tanımır.