Premyer-liqa
Yuri Syomin: "Hər kəslə dil tapmaq asan deyildi"
"Qəbələ"nin sabiq baş məşqçisi Yuri Syominin m&…
"Qəbələ"nin sabiq baş məşqçisi Yuri Syominin müsahibəsi
– Kubokun finalında məğlubiyyətə çox üzüldünüz?
– Qalib gəlməyəndə, əlbəttə, məyus olursan. Xüsusilə də, bu oyunda biz məğlub olmamalı idik. Ancaq finalda qalib həmişə birdi və bu dəfə “Neftçi” oldu.
– “Qəbələ”dəki birillik iş sizə nə verdi?
– Çox şey. Mən heç bir titulu olmayan və Kiyev “Dinamo”su, ya da “Lokomotiv”dəki kimi oyunçularım olmayan bir komandaya gəldim. İşləmək və anlamaq özümə maraqlı idi: bu vəziyyətdə mən nəticəyə nail ola, futbolçuları inkişaf etdirə bilərəmmi?
– Klub sahiblərinin qoyduğu tapşırıq yerinə yetirildi?
– Yerinə yetirildi yox, artıqlaması ilə yerinə yetirildi. “Qəbələ” avrokuboklara düşdü, çempionatın bürünc mükafatçısı oldu, Kubokun finalına çıxdı. Düzdü, heç olmasa, bir qəniməti əldə etmədiyimizə görə qeyri-qane hiss qaldı.
– Məşqçi Syominin “Avropaya necə düşməli?” işlənmiş planı var?
– Bu il, çox çətin keçdi. Biz heç cür liderlə üçlüyü “Qarabağ”, “Neftçi” və “İnter”ə yaxınlaşa bilmirdik. Burada bir neçə səbəb var. “Qəbələ” kiçik şəhərdən olan yeni bir komandadı. Buna rəğmən, bu klubun futbolu bilən, sevən və inkişaf etdirməyə hazır olan rəhbərləri var. Çoxlu meydanlar qurulub, gözəl baza, əla futbol məktəbi var. Bu, hələ heç nə vermir, ancaq əminəm ki, öz bəhrəsini gələcəkdə verəcək. Üstəlik, mənim gəlişimlə komandanın heyəti 90 faiz dəyişdi və hər kəslə ümumi dil tapmaq asan deyildi. Hesab edirəm ki, hardasa mövsümün sonlarında biz hər halda, bir-birimizi başa düşdük. Necə oynamaq lazım gəldiyini dərk etdik, mən futbolçularla, futbolçular isə öz aralarında yaxın olduq. Buna görə də qarşımızda qoyulmuş tapşırıqları həll etdik.
– “Qəbələ”nin sahibi Tale Heydərov Kubokun final oyunundan sonra paltardəyişmə otağına gəlib. O, razı qaldı?
– Nail olduğumuz nəticəyə görə bizə təşəkkür etdi. Ona ilk növbədə, final oyunu xoş gəlmişdi. Bir də ona görə ki, ilk dəfədi, stadionda bu qədər tamaşaçı toplaşmışdı. Bəli, təşkilatçılıq da yaxşı səviyyədə idi. Mənə elə gəlir ki, məğlubiyyətə rəğmən, bu, “Qəbələ”nin ən yaxşı oyunlarından biri idi.
– İzmaylovun dəvəti özünü doğrultdu?
– Əlbəttə, Azərbaycanda əla bir futbolçu gördülər. Xüsusilə də, İzmaylovun heç də yaxşı olmayan ilk oyunları fonunda. Sadəcə, bir qədər səbr etmək lazım idi. Axı Marat kifayət qədər uzun müddət oynamamışdı. Bunun müqabilində, kubokun finalında mən Rusiya Premyer Liqasının istənilən komandasında çıxış edə biləcək superoyunçu gördüm. Məncə, buna görə “Portu” onu geri alır. Penaltini vurmamağı və bizim məğlub olmağımıza rəğmən, İzmayılov bu gün oyunun ən yaxşı oyunçusu idi.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”