Müsahibə
İzmaylov: "Azərbaycanda özüm üçün çox yeniliklər kəşf etdim"
“Portu”nun yarımmüdafiəçisi Marat İzmaylov …
“Portu”nun yarımmüdafiəçisi Marat İzmaylov “Qəbələ”dəki çıxışı haqda təəssüratlarını bölüşüb. Futbolinfo.az İzmaylovun müsahibəsinin diqqətinizə çatdırır:
– Sizi “Qəbələ”yə dəvət etmiş Yuri Syominin rəhbərliyi altında işləmək necə idi?
– İdeal! Yuri Pavloviç dünya səviyyəli mütəxəssisdi. Özünün bütün peşəkar keyfiyyətlərindən savayı, o, anlaşıqlı, xeyirxah adamdı. Bütün karyeram ərzində onunla isti münasibətlərim qalır. Syomin “Qəbələ”nin tarixinə komandanı ilk dəfə avrokuboklara çıxarmış şəxs kimi düşüb. Bu, çox şeyi deyir.
– Rusiya və Azərbaycan çempionatlarının səviyyəsi müqayisəedilməzdi?
– Niyə günaha batım, Rusiyada səviyyə daha yüksəkdi. Azərbaycanda yaxşı texnikalı futbolçular var. Düzdü, müasir futbol kompleks yanaşmada qurulur: fiziki hazırlıq, oyunun təşkili və s. Burada bəzi komponentlər bir o qədər inkişaf etməyib. Ancaq ölkə düzgün istiqamətdə hərəkət edir, futbol burada fəal surətdə inkişaf edir.
– Azərbaycanda oynayarkən, tanış futbolçulardan kimlə yollarınız kəsişdi?
– “Bakı”da Deyvidas Çesnauski çıxış edir. “Rəvan”da isə Dmitri Kruqlov. Hər ikisi ilə birgə “Lokomotiv”də oynamışam. Hələ burada sabiq "Spartak"lı İqor Mitreskiyə rast gəlmişəm (“Neftçi”nin müdafiəçisi). Ancaq oyun ərəfəsində yaxud oyundan sonra söhbətləşə bilmişik, bundan başqa yox. Onlar paytaxt ərazisində idilər, biz isə “Qəbələ”də məskunlaşmışdıq.
– Azarkeşlərlə münasibətlər necə alındı?
– Gözəl! Burada əla pərəstişkarlar var. Onlar həm məni, həm də komandanı dəstəkləyirdilər. Ev oyunlarında stadion demək olar ki, dolu olurdu. İndi klub daha tutumlu yeni arena tikir. Ancaq Avropa Liqasının qarşıdakı oyunlarını “Qəbələ” hələ Bakıda keçirəcək, Respublika stadionunda (Tofiq Bəhramov adına stadion – red).
– Ölkə özü, mədəniyyəti, dili hansı təəssüratları oyatdı?
– Əlbəttə, dil, qarşılaşdığım əvvəlki dillərdən çox fərqlənir. Mən bu dildə başa düşmürəm. Ancaq demək olar ki, əksəriyyət rus və ya ingiliscə danışırdı. Belə ki, problem yaşanmırdı. Ümumiyyətlə, mən hər şeyə tez uyğunlaşdım. Azərbaycan dini ölkədi. Bu sözün yaxşı mənasında insanlar təmizkardılar, intizamı sevirlər. Mədəniyyətin özü çox zəngindi. Mən burada özüm üçün çox yeniliklər kəşf etdim.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”