Ölkə futbolu
"Qəbələ"nin yeni baş məşqçisi bəlli oldu (ÖZƏL)
"Qəbələ"nin yeni baş məşqçisi bu gün ö…
"Qəbələ"nin yeni baş məşqçisi bu gün ölkəmizə gəlir. Futbolinfo.az-ın çox etibarlı mənbədən əldə etdiyi məlumata görə, bu, Kiprin AEL klubunun çalışdırıcısı İvaylo Petevdi.
"Qəbələ" rəhbərliyi 38 yaşlı çalışdırıcı ilə ötən həftə müqavilə imzalamalıydı. Lakin Petevin komandasının Kipr çempionatında bir oyunu qaldığından anlaşmanın rəsmiləşməsi yubandı. Belə ki, APOEL və AEL komandaları arasındakı çempionluq görüşü mayın 17-də baş tutmalı idi. Oyun zamanı aranın qarışması matçın təxirə düşməsinə səbəb olub və görüş mayın 31-də keçirilib. AEL son oyunda rəqibinə minimal hesabla məğlub olaraq, çempionluğu əldən verib.
Kipr komandası ilə yollarını ayıran Petev bu gün Bakıya gələcək və tərəflər arasında müqavilə imzalanacaq. Məhz bu səbəbdən də "Qəbələ" rəsmiləri baş məşqçi məsələsinə bu gün aydınlıq gələcəyini bildirir.
Bolqar mütəxəssis gənc olmasına baxmayaraq, çalışdığı klublarda uğur qazanmağı bacarıb. O, başçılıq etdiyi "Ludoqorets"i 2010/11 mövsümündə aşağı dəstədə çempion etməklə əsas liqaya yüksəldib. Daha sonra 2 dəfə Bolqarıstan çempionu olub (2011/12; 2012/13), 2012-ci ildə çempion olduğu "Ludoqorets"lə ölkə kubokunu başı üzərinə qaldırıb. Həmin ildə Petevin komandası Superkubokun finalında Plovdiv "Lokomotiv"ini məğlub edərək (3:1) daha bir qəniməti klub muzeyinə aparıb. 2013-cü ildə isə "Ludoqorets" Superkubokun finalında "Beroe"yə penalti seriyasında məğlub olub.
Mütəxəssisin son klubu Kipr AEL-i olub. Bir mövsüm çalışdığı Limassol təmsilçisinə isə gənc çalışdırıcı gümüş medal qazandırıb.
İlk baxışdan riskli seçimdi. Bolqar məşqçilərin futbol sahəsində indiyədək ölkəmizdə çalışmadığını nəzərə alsaq, bu təyinata görə tərəddüd etmək olar. Amma qısa karyerası uğurla zəngin olan birisinə aşağılayıcı nəzərlə baxmaq da olmur. “Qəbələ” bu seçimlə adlı-sanlı, eyni zamanda bahalı məşqçilərə deyil, uğur acı olan gənc birinə etimad göstərdiyini də nümayiş etdirir. Avropa Liqasındakı debüt edəcək komandanın gələcək uğurları da məhz Petevin işə necə başlayacağından asılıdı. Ümid edək ki, Azərbaycandakı pullar onu da korlamayacaq və bolqar çalışdırıcı həm öz karyerasını daha uğurlu etmək, həm də “Qəbələ”nin iddialarını artırmaq adına çox şey edəcək.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”