Müsahibə
"İstəyim Azərbaycanın hər bir bölgəsində qadın futbolunun inkişafıdı"
Azərbaycanda qadın futbolu bir o qədər inkişaf etməsə də, bu p…
Azərbaycanda qadın futbolu bir o qədər inkişaf etməsə də, bu prosesin canlanması üçün işlər görən insanlar var. Bütün diqqət Bakıdakı futbola yönəldiyi üçün, regionlara nəzərətin bir o qədər də güclü olmaması dəqiqdi. Qadın futbolunun olduğu tək-tük regionlardan biri də Mingəçevir şəhəridi.
Mingəçevirdə qadın futbolun yaranması 1986-cı ilə təsadüf etsə də, sonradan müharibə nur şəhərində bu presisin gedişatını dayandırıb. Hazırda şəhəri ölkə birinciliklərində təmsil edən 3 Mingəçevir komandasına rəhbərlik edən baş məşqçi İlqar Hüseynov 2010-cu ildə qadın futbolunu yenidən bərpa edib. Saytımıza müsahibə verən Hüseynov Mingəçevirdə qadın futbolunun inkişafı ilə yanaşı, bir sıra maraqlı məqamlara toxunub:
– Mingəçevirdə qadın futbolunun yaranma prosesi necə həyata keçdi?
– Mingəçevirdə ilk dəfə 1986-cı ilə qadın futbolu yaradılıb. Həmin vaxt Azərbaycanda 6 komanda var idi. O vaxt millinin baş məşqçisi Valeri Jarkov idi. Köməkçi məşqçi isə Nadir Kərimovdu. Mingəçevirdə isə qadın futbolunu həmin il mən yaratmışam. O vaxt şəhərdə qeyri millətlərin nümayəndələri çox idi. Həmin ildə komandada 6-7 azərbaycanlı olsa da, əksəriyyəti ruslar idi.
– 86-cı illə indiki dövr arasında nə kimi fərqlər var?
– İndi deyirlər ki, mentalitetimizə uyğun deyil. Ancaq mən bunu qəbul etməmişəm. İlk dəfə burada futbol yarananda mənim öz bacılarım da futbol oynayıb. Məktəbi başa vurduqdan sonra idmandan uzuqlaşdılar. Məşqçiləri isə mən olmuşam.
– Məlum məsələdi ki, Mingəçeviri təmsil edən “Energetik”in durumu acınacaqlıdı. Komanda son mövsümü ən alt pillətə başa vurdu. Necə düşünürsüz, kişi futbolunun çöküşü nəticəsində şəhərdə qadın futbolu dirçələ bilər?
– 2010-cu ildə Mingəçevirdə bu işə yenidən başlayanda bir arzum vardı. O da qadın futbolunu şəhərdə inkişaf etdirməkdən ibarətdi. Allahın köməyi ilə hazırda öz ideyamı davam etdirirəm. İstəyirəm ki, bizim şəhərdə olduğu kimi respublikanın bütün regionlarında qadın futbolu olsun.
– Hazırda milli komandalarımızda Mingəçevirdən neçə nəfər çıxış edir?
– Hazırda 2000-ci il təvəllüdlü Zülfiyyə Əliyeva milliyə dəvət alır. Nigar Mirzəliyeva da milliyə dəvət alacaq. Asiya Adıgözəlova xəstə olduğu üçün bugünkü məşqdə iştirak etmədi. O da millimizin tərkibində İspaniya və Tükiyə kimi ölkələrdə olub. Zədə aldığı üçün indi bir qədər zəif çıxış edir. Ancaq çalışacağıq ki, onu yenidən milli komandamıza qazandıraq.
– Hazırda 2000-ci il təvəllüdlü Zülfiyyə Əliyeva milliyə dəvət alır. Nigar Mirzəliyeva da milliyə dəvət alacaq. Asiya Adıgözəlova xəstə olduğu üçün bugünkü məşqdə iştirak etmədi. O da millimizin tərkibində İspaniya və Tükiyə kimi ölkələrdə olub. Zədə aldığı üçün indi bir qədər zəif çıxış edir. Ancaq çalışacağıq ki, onu yenidən milli komandamıza qazandıraq.
– Paytaxtdan Mingəçevirdəki qadın futboluna nə dərəcədə dəstək olur?
– Qadın futboluna Bakıdan çox gözəl nəzarət olunur. Tez-tez gəlib bizi yoxlayırlar. Bizim sponsorluğumuzu AFFA öz üzərinə götürüb. Şəxsən AFFA rəhbərliyinə və baş katibinə öz təşəkkürümü bildirirəm ki, Mingəçevirdə qadın futboluna xüsusi diqqət yetirirlər.
– Qadın futboluna Bakıdan çox gözəl nəzarət olunur. Tez-tez gəlib bizi yoxlayırlar. Bizim sponsorluğumuzu AFFA öz üzərinə götürüb. Şəxsən AFFA rəhbərliyinə və baş katibinə öz təşəkkürümü bildirirəm ki, Mingəçevirdə qadın futboluna xüsusi diqqət yetirirlər.
– Mingəçevirdə qadın futbolçuların yetişməsi üçün bir o qədər də yüksək şərait yoxdu. Buna bir əlac etmək haqda düşünürlərmi?
– Sizinlə razı deyiləm. Hazırkı durumda komandanın sponsorluğunu AFFA öz üzərinə götürüb. Hər cür şəraitin yaradılmasına kömək edirlər.
– Valideynlər övladları ilə maraqlanırlar?
– Bəli, elə valideynlər var ki, övladının bir məşqini belə buraxmır. Onların övladlarının məşqini izləməsi mənim üçün də xoşdu. Onu da qeyd edim ki, ətraf rayonlardan bizə məşqə gələn qızlar var.
– Yəqin ki, bu da həmin rayonlarda qız futbolunun olmamasından irəli gəlir?
– Bəli, şəxsən öz məsləhətimlə AFFA-ya gələcəkdə məktub yazacam ki, öz tələbələrim yaşadığı rayonlarda məşqçi kimi fəaliyyət göstərsinlər.
– Yaxşı oynayan qızlar çoxdu. Ancaq Azərbaycan reallığı budu ki, gələcəkdə qızların ailə qurmaq yaşı çatdığından gah həyat yoldaşı, gah da nişanlısı futbolla məşğul olmasına mane olur. Bu, sizin əməyinizin hədər getməsinə səbəb olmur ki?
– Mənim üçün pis durumdu. Sizinlə tamamilə razıyam. Bu, respublikanın hər yerində belədi.
– Mənim üçün pis durumdu. Sizinlə tamamilə razıyam. Bu, respublikanın hər yerində belədi.
– Xarici ölkələrin qadın futboluna nəzər saldıqdan onların oynadığı oyun Premyer Liqamızdan heç də geri qalmır. Sizcə, qadın futbolumuz həmin səviyyəyə nə vaxt çatacaq?
– 10-15 ildən sonra. Həmin prosesin yüksəlməsi üçün uşaqla yanaşı, valideyndə də maraq olmalıdı. Bəzi valideynlər övladları məktəbi bitirən kimi başqa sahəyə yönəldir. Valideynlərdə də səhv var. Uşaq məşqə gəlir, 11-ci sinfi qurtarandan sonra deyir ki, həvəsim yoxdu.
– Burada maliyyənin nə dərəcə rolu var?
– Mənə elə gəlir ki, cuzi maliyyə olsa, daha yaxşı olar. Həmçinin uşaqlarda da bir qədər həvəs artar. Elə uşaq ola bilər ki, maliyyədən ötrü gələ bilər.
– Bu, bəlkə də valideynin fikrinə də müsbət təsir edə bilər…
– Mənim atam sürücü olub. Futbola getməyim deyə, atam əlimi bağlayırdı. Ancaq anam əlimi açırdı ki, məşqə get. Mən sevdiyim sənətin axırına kimi getdim.
– Bildiyimiz qədərilə Mingəçevirdə bu sahədə tək çalışırsız. Bu işdən ayrılsaz, sizi əvəz edəcək kimsə var?
– Bunu deyə bilmərəm. Buna görə narahatam. Ancaq şagirdlərim var. Şərait yaranar, onlar da işləyər.
EMİN SƏFƏROV, Mingəçevir