Ölkə futbolu
Kovaçla Skolaridən qarşılıqlı ittihamlar
Xorvatiya millisinin baş məşqçisi Niko Kovaç dün…
Xorvatiya millisinin baş məşqçisi Niko Kovaç dünən DÇ-2014-ün açılışında Braziliya ilə oyundan (1:3) sonra sərt açıqlama verib. Futbolinfo.az xəbər verir ki, o, baş hakimi Yuiti Nisimuranı səhv qərar verməkdə ittiham edib.
Mütəxəssis bildirib ki, 71-ci dəqiqədə, hesab 1:1 olarkən qapılarına təyin olunan penaltı epizodunda qayda pozuntusu olmayıb: "O epizod penaltidisə, futboldan getmək lazımdı. Futbolun əvəzində basketbol oynamalıyıq. Hakim biabırçı qərarlar verdi. Görüş ərzində komandama hörmət edilmədi. Dünya kuboku belə başlayıbsa, bəlkə də turnirdən imtina edib evimizə getməliyik. Belə davam etsə, dünya çempionatında yüz dəfə penalti veriləcək və yarış sirkə dönəcək".
Kovaçın bu açıqlamasından sonra isə Braziliyanın çalışdırıcısı Luis Felipe Skolari də cavab verməkdə gecikməyib: "Futbolçularımdan razı qaldım. Oyuna yaxşı başlamadıq və erkən qol buraxdıq. Əgər məqsədimizə nail olmaq istəyiriksə, üzərimizdə daha çox işləməliyik. Dünya çempionatlarında startım heç də asan alınmır. 2002-ci ildə Türkiyə yığmasına çətinliklə qalib gəldik – 2:1. 2006-cı ildə Portualiya millisini çalışdırarkən İngiltərəni 1:0 hesabı ilə məğlub etdik. Bu dünya çempionatıdı və burada hansısa komandaya qalib gəlmək elə də asan deyil. Bununla belə, komandamın oyunundan razıyam. Mundiala qələbə ilə başladığımız və oyunda geridönüş etdiyimiz üçün şadam. Kuboka sahib olmaq üçün turnirdə 7 qələbə qazanmalısan. Artıq birində qalib gəldik. Qalır 6 oyun. Dünya çempionatı sirkdi? (gülür) Braziliya 5 dəfə dünya çempionu olub. Pele, Jairzinyo, Qarrinça, Romario, Ronaldo sirkdə qələbə qazanmayıblar. Milyonlarla insan penaltini görmədi? Ancaq hakim gördü! Burada qərarı hakim verir. Düşünürəm ki, həmin epizodda penalti var idi. Erkən qol buraxmağımıza baxmayaraq qələbə qazanmağı bacardıq. Əlbəttə, bu qələbədə azarkeşlərimiz də bizə kömək oldular".
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Milli komanda2024-04-22 13:46
Fişer: “AFFA-dan təklif almamışam”
- Ölkə futbolu2024-04-23 08:00
“Səbail” “Sabah”a uduzsa…