Ölkə futbolu
Kovaç və Finke danışdı
Dünən baş tutan Kamerun – Xorvatiya matçından son…
Dünən baş tutan Kamerun – Xorvatiya matçından sonra hər iki komandanın baş məşqçiləri fikirlərini bölüşüb. Futbolinfo.az xəbər verir ki, Xorvatiya millisinin baş məşqçisi Niko Kovaç oyunun ilk 10 dəqiqəsində istədikləri kimi oynamadıqlarını deyib:
“Ancaq sonradan matçda üstünlüyü ələ aldıq. Oliç ilk qolu vurduqdan sonra daha da yaxşı oynamağa başladıq. Futbolçularımı qələbə münasibəti ilə təbrik edirəm. Meksika ilə oyun bizim üçün final kimi olacaq. Onlar güclü komandadı. Amma biz də zəif deyilik. Qələbə qazanaraq qrupdan çıxmağa çalışacağıq".
Kamerun millisinin baş məşaçisi Folker Finke isə bu sözlərlə yadda qalıb: "Bu cür hesabla məğlubiyyəti qəbul etmək çətindi. Həmişə 10 nəfərlə oynamaq ağır olub. Ancaq bununla Xorvatiyanının qələbəsinə kölgə salmaq istəmirəm. Xorvatiya öz oyunu ilə təmiz qələbə qazandı. Rəqib bizdən daha iddialı görünürdü. Ancaq bizim də qol vurmaq üçün şanslarımız oldu. Ruhdan düşməməli, irəli baxmalıyıq. Çünki komandamızda çox perespektivli oyunçular var".