Ölkə futbolu
“Bizim ədəbiyyatın mənzərəsi Azərbaycan futbolunun mənzərəsidi” – FUTPOLitika
Ramin Dekonun təqdimatında olan “FUTPOLitika” layihəsin…
Ramin Dekonun təqdimatında olan “FUTPOLitika” layihəsinin növbəti qonağı şair Rüstəm Behrudidi. Futbolinfo.az müsahibədən kiçik bir hissəni təqdim edir. Müsahibənin tam mətnini iyunun 23-də www.futbolinfo.az-dan oxuya bilərsiz.
– Dar ağacı futbol meydanına sığırmı?
– Dar ağacı böyükdü. Çünki bütün oyunların, mübarizələrin, savaşların son nöqtəsi dar ağacıdı. Futbol meydançası nə qədər böyük olsa da, dar ağacının ilgəhindən kiçikdi.
– Murad Köhnəqala hansı mövqedə daha yaxşı oynayar?
– Onu müdafiədə oynatmaq olar, ancaq qapıda durmağına imkan vermərəm. Çünki etibarlı adam deyil. İstənilən vaxtı topu buraxar. Özünə haqq qazandırmağı da bacarır. Hətta bunun daha yaxşı olduğunu sübut edə bilər.
– Bir məmləkət yaxşı şairlər yetişdirir, ancaq futbolçular yox. İlahi ədalət burda pozulmur?
– Bir xalqın ola bilməz ki, yaxşı futbolu olsun, yaxşı şairləri olmasın. Bizim ədəbiyyatın mənzərəsi Azərbaycan futbolunun mənzərəsidi.