Müsahibə
Rauf Əliyev: "Adam maşını satmağa məcbur olur"
Futbol üzrə Azərbaycan yığmasının və "Bakı"nın…
Futbol üzrə Azərbaycan yığmasının və "Bakı"nın hücumçusu Rauf Əliyevin futbolinfo.az saytına müsahibəsi
– İstirahətiniz necə keçdi?
– Belə də. Buna tətil demək olmaz.
– Mövsümü titulsuz başa vurmaq tətilinizə necə təsir etdi?
– Heç sabahımız bəlli deyil. Ona görə də tətil keçirmədik. Necə olacağını bilmirik. Bütün günü fikrimiz klubda qalır. Bilmirik, düzələcək yoxsa, düzəlməyəcək…
– Sizə nə deyirlər ki? Son durum necədi?
– Heç nə. Bir adam yoxdu ki, nəsə desin. Əvvəl iyunun 25-də yığışacağımızı demişdilər. İndi də toplanış 28-nə təyin olunub. Vaxt uzandı.
– Təlim-məşq toplanışına gec başlamaq "Bakı"nın növbəti mövsümdəki çıxışına mənfi təsir göstərməyəcək?
– Hələ bir ay var. Görək də necə olacaq.
– Müqavilə ilə "Bakı"ya məxsus olsaz da, hiss olunur ki, klubda qalmağa həvəsli deyilsiz…
– Belə gedişata görə adam klubdan soyuyur. Maliyyə və bir sıra problemlər var. Neçə aydı ki, maaş almırıq. Hər şey göz qabağındadı. Bizə bu gün, sabah düzələcəyini deyirlər. Ona görə də gözləyirik.
– Bankda sizin də pulunuz batmışdı?
– Xeyr, sadəcə, bir sıra problemlər vardı.
– Neçə aydı maaş almırsız?
– Hardasa 4-5 aydı.
– Bəllidi ki, "Xəzər Lənkəran" sizin transferinizdə maraqlıdı. Ümumiyyətlə, "Bakı"dan azad olunmanız üçün nə tələb olunur?
– Bu barədə heç kimlə söhbət etməmişəm. Çünki klubda adam yox idi. Heç kim də yoxdu ki, sözünü deyəsən. Ona görə də gözləmək məcburiyyətindəyəm.
– Allah özünüzə qismət etsin. Bu vaxta qədər xeyli pul qazanmısız. 4-5 ay pulsuz oynamaq futbolçuya çoxmu mənfi təsir edir?
– Mən də sizə sual verim də. Beş ay maaş almasaz, işləyə bilərsiz? Həvəsiniz olar?
– İşi sevirəmsə, çətinlikləri də başa düşərəm…
– Bəs yol pulu tapmasan?
– Yol pulu 20 qəpikdi də.
– Baxma da, bir var avtobusla, biri də var maşınla gedəsən. Adam maşını satmağa məcbur olur. Qardaş, yox e, hec cür alınmır. Bizim işimiz daimi deyil axı. 6-7 il oynadıqdan sonra karyeramızı başa vuracağıq. Özümüzə gün ağlamalıyıq. İndi qazanmayandan sonra, bəs nə vaxt qazanacağıq? 40 yaşımızda futbol oynamayacağıq ki. Allah eləməsin, sabah elə bir ciddi zədə almaqla futbolu birdəfəlik ata bilərik.
– "Qarabağ"dan ayrılmağınıza peşmansız?
– Xeyr, peşman deyiləm. Əvvəlki iki ildə hər şey yaxşı idi. Sadəcə, son dövrlər problemlər öz mənfi təsirini göstərdi. Bəlkə də, maliyyə problemləri olmasaydı, Avropa Liqasına gedərdik.
– Sizcə, problemlərin yaranmasına nə səbəb oldu?
– Yəqin ki, maliyyə. Çünki bir nömrəli problem elə maliyyə ilə bağlı çətinliklərdi.
– Futbolçularının 4-5 aydı maaş almamasına baxmayaraq, "Bakı"nın prezidenti Hafiz Məmmədov İngiltərənin "Şeffild Uendsey" klubunu satın aldı. Buna münasibətiniz necədi?
– Mən o işlərə qarışmaq istəmirəm.
– Mən o işlərə qarışmaq istəmirəm.
– Bəs indiki məqamda nəyə ümid edirsiz?
– Ümid edirəm ki, hər şey düzələcək.
– Düzəlməsə?
– Düzəlməsə, yəqin ki, özümüzə bir yol taparıq da.
– Bu yol "Xəzər Lənkəran"dan keçir?
– (Gülür) Hələ ki, onu dəqiqləşdirməmişəm.
– Cənub klubu ilə aranızda danışıqlar olub?
– Danışıq olmayıb, amma maraqlanıblar. Mən də "Bakı" ilə müqaviləmin olduğunu demişəm. Ona görə də gözləyirik.
– Səbrsiz futbolçu olduğunuzu bilirəm. Maaşların verilməməsi və digər problemlərə görə "Bir klub gəlib məni "Bakı"dan azad etsəydi" düşündüyünüz vaxt olur?
– Elə şeylər fikirimə gəlmir. "Bakı"da hər şey yolunda olub. Bir az maaş verilmir deyə, klub haqda pis fikirlər səsləndirə bilmərəm. Çünki, bu klubun çörəyini yemişəm. Bu futbol həyatıdı. Problemlər təkcə bizim klubda olmayıb. İnanıram ki, bütün problemlər öz həllini tapacaq. Şükür Allaha ki, həyatımızdan da razıyıq.
– Elə şeylər fikirimə gəlmir. "Bakı"da hər şey yolunda olub. Bir az maaş verilmir deyə, klub haqda pis fikirlər səsləndirə bilmərəm. Çünki, bu klubun çörəyini yemişəm. Bu futbol həyatıdı. Problemlər təkcə bizim klubda olmayıb. İnanıram ki, bütün problemlər öz həllini tapacaq. Şükür Allaha ki, həyatımızdan da razıyıq.
EMİN SƏFƏROV
- Milli komanda2024-05-03 08:00
Vay(ss) bizim halımıza?
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq
- Ölkə futbolu2024-05-03 14:00
“Neftçi”nin riskli seçimi: lazımsız legionerlə 4 illik müqavilə bağlayırlar