Ölkə futbolu
Daş dövrü (FOTOLAR)
Milyon yarım il bundan öncə, yəni daş dövründə ins…
Milyon yarım il bundan öncə, yəni daş dövründə insanların əsas əmək aləti və silahı daşlardan ibarət idi. Hansı ki, həmin dövr insanların mədəni-tarixi inkişafında böyük rol oynamışdı.
Bu gün, 21-ci əsrdə paytaxt Bakımıza diqqətlə nəzər yetirsək, zamanın irəliyə yox, tədircən daş dövrünə doğru axın etdiyinin şahidi olarıq. Günü-gündən ucaldılan hündür mərtəbəli göydələnlər, saraylar, şirkət ofisləri və s. Sanki, insanlar bir-biri ilə bəhsə girərək, ahlar üzərində tikdikləri çoxmərtəbəli binalar sayəsində uca yaradana daha da yaxın olmaq üçün çalışırlar. 10 il əvvələ qədər paytaxtımızın müxtəlif ərazilərində binaların arasında, orada yaşayan balacalar üçün salınmış mini meydançalara rast gəlmək olardı. Bu meydançalar ot örtüyü ilə olmasa da, gənclər asfalt üzərində dünyanın ən gözəl meydançasında oynayırmış kimi davranırdılar.
Zaman keçdikcə bu asfalt meydançaların bir hissəsi maşınlar üçün avtodayanacaqlarla, bir hissəsi isə hündür mərtəbəli tikililərlə əvəzləndi. Bununla da başı futbola qarışan gənclər idmanla məşğul olmağa yer tapmayınca, əksəriyyəti siqaretlə, digər mənasız vərdişlərlə təsəlli tapdı.
Təqdim etdiyimiz fotoreportaj "Malakan" bağından hazırlanıb. Balacalar futbol oynamağa yer tapmayınca, hər kəsin istirahət üçün uz tutduğu bağa pənah gətirmişdilər. Buranın yaşıl ot örtüyü onlar üçün dünyanın ən gözəl stadionlarından biri sayıla blərdi. Qapı dirəklərini isə ağaclar əvəz edirdi. Uşaqların futbol oynadığı vaxt top birinin başına, digərinin isə maşınına dəyirdi. Onları başa düşən böyüklər isə bunu aqressiya ilə yox, təbəssümlə qarşılayırdılar.
Vaxtı qeyri-müəyyən olan uşaqların futbol matçını sonda hakim yox, bağın mühafizə xidmətinin əməkdaşı bitirdi. Uşaqlar "hakim"ə nə qədər etiraz bildirsələr də, "yan xətt hakimi" ilə birgə verdiyi qərarı heç cür dəyişmək mümkün olmadı. Beləliklə uşaqlar evinə yola düşdülər, biz də daş dövrünə doğru addımladığımızın şahidi olduq. Tədricən Bakının başına daş düşür…
EMİN SƏFƏROV
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?