Müsahibə
Böyükağa Hacıyev: "Cəzamı çəkməyə hazıram"
"Neftçi"nin baş məşqçisi Böyükağ…
"Neftçi"nin baş məşqçisi Böyükağa Hacıyev Avropa Liqasının ikinci təsnifat mərhələsi çərçivəsində Sloveniya "Koper"inə qarşı keçirdikləri ilk oyundan sonra fikirlərini açıqlayıb. Futbolinfo.az xəbər verir ki, o, komandasının 1:2 hesablı məğlubiyyətini belə şərh edib
– İki buraxılan qol hədiyyə idi. Bunu gözləmirdik. Futbolda belə şeylər olur. Buna baxmayaraq, ikinci hissədə rəqibi təzyiqdə saxlasaq da qol vura bilmədik. Rəqib həddən artıq müdafiəyə qapandı. "Koper" müdafiədə oynamağı sevir. Ayın 24-dəki oyunda başqa şey fikirləşəcəm. 24-dəki oyunu uda bilməsəm, istefa verəcəm. Bu heyətlə boyumuzdan hündürə tullanmaq üçün çalışırıq. Uşaqları qınamıram. Cəzamı çəkməyə hazıram. Mənim "çemadan"ım həmişə hazırdı.
– Stadiondakı istefa şüarlarını eşitdiniz?
– Mən həmin istefa şüarlarının kimə ünvanlandığını bilmirəm. Buna görə azarkeşi qınamıram. Onlar da yəqin "təzə qan" istəyir.
– Tahir Süleymanov istefa verdi. Amma sizə elə gəlmir ki, xalq komandasını təkcə bir şəxs bu günə qoya bilməz?
– Hər ailədə belə söz-söhbətlər ola bilər. Bu, xalq komandasıdı. "Neftçi"də olduğum müddətdə 5 nəticə vermişəm. İki ölkə çempionluğu, iki ölkə kuboku qazanmışam, Avropa Liqasının qrupunda oynamışam. Yəqin ki, bundan sonra da bekar qalmayacam. Təkliflər gələcək, onları dəyərləndirəcəm. Bu gun "Neftçi"nin oyunu göz qarşısındadı.
– Biz sizi təslimçi ruhda görməmişik. Məqsəd İsayevlə Kaueni oynatmağa məcbur idiz? Çünki onların varlığı hiss olunmurdu…
– Kaue səviyyəli futbolçudu. Onun zəngin karyerası var. O, hələ adaptasiya dövürünü keçməyib. Mahirin yerində Məqsəd pis təsir bağışlamadı. Məqsəd tərəfdən rəqib keçə bilmədi. İsayev meydanda döyüşkən idi.
– Nazim Süleymanovdan nə fərqiniz oldu? O da gəldi getdi, siz də.
– Mən alverçi deyiləm. Əl içi kimi təmizəm. O Nazim Süleymanova "Xəzər Lənkəran"ı ən yaxşı vaxtında verdilər. Mən heç vaxt maliyyə işinə qarışmamışam. Buna görə fəxrlə danışa bilərəm.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Müsahibə2024-04-29 10:14
“Qalatasaray” rəsmisi: “Azərbaycana layiqli idmançılar yetişdirmək istəyirik”