Ölkə futbolu
"Qəbələ" "AZ Alkmaar"la bacarmadı
Yeni mövsümə Hollandiyada hazırlaşan "Qəbələ"…
Yeni mövsümə Hollandiyada hazırlaşan "Qəbələ" bu gün sözügedən ölkədəki təlim-məşq toplanışı çərçivəsində ikinci yoxlama matçına çıxıb. Futbolinfo.az xəbər verir ki, Dorinel Muntyanu yetirmələrinin gücünü yerli "AZ Alkmaar"la görüşdə sınayıb.
Matç Ukrayna səmasında vurulan Amsterdam-Kuala Lumpur marşrutu ilə hərəkət edən Malayziyaya məxsus təyyarədə həlak olmuş sərnişinlərin xatirəsinin yad olunması ilə başlayıb. Komandalar meydançaya qara sarğı ilə çıxıblar.
Matç tərəflərin qarşılıqlı hücumları şəraitində keçib. İlk yarım saat ərzində komandamız bir neçə əlverişli qol epizodu yaratsa da, rəqib qapıçının diqqətli oyunu "Qəbələ"nin önə keçməsinə imkan verməyib. Əvəzində hollandlar 37-ci dəqiqədə hesabı aşıblar. Tankoviç penalti zərbəsindən ilk hissənin hesabını müəyyənləşdirib – 1:0.
İkinci hissə də eyni ssenari üzrə davam edib. "Qəbələ" bir neçə epizodda hesabı bərabərləşdirmək imkanı yaxalasa da, bunlardan yararlana bilməyib. Xüsusilə, Cavid Hüseynovun 65-ci dəqiqədə qapıçı ilə üzbəüz qaldığı epizod təhlükəli alınıb. Lakin Hüseynovun qapıçının üzərindən aşırdığı top qeyri-dəqiq alınıb. 70-ci dəqiqədə "AZ Alkmaar" hesab arasındakı fərqi ikiyə çatdırıb. Tankoviç dublunu rəsmiləşdirməklə yanaşı oyunda da son nöqtəni qoyub – 2:0.
Əfsanəvi Marko Van Bastenin komandası ilə oyundan öncə "Qəbələ" digər Hollandiya təmsilçisi "Arnem"lə qarşılaşmış və 4:0 hesablı qələbəyə sevinmişdi.
"Qəbələ" toplanış çərçivəsində üçüncü oyununu iyulun 23-də keçirəcək. Komandamızın rəqibi Türkiyə təmsilçisi "Konyaspor" olacaq.
Yoxlama oyunu
20 iyul
Qəbələ – AZ Alkmaar – 0:2
Tankoviç, 37, 70
"Qəbələ"nin start heyəti: Kamran Ağayev, Ürfan Abbasov, Vladimir Levin, Şirməhəmməd Məmmədov, Pavol Farkaş, Ruslan Abışov, Nizami Hacıyev, Adrian Ropotan, Cavid Hüseynov, Markinyos, Viktor Mendi.
"AZ Alkmaar"ın start heyəti: Yves De Vinter, Mattias Yohansson, Ceffri Qaueleu, Yan Vuytens, Simon Poulsen, Markus Henriksen, Nemanya Qudelj, Viktor Elm, Stiven Berquys, Muamer Tankoviç, Quus Hupperts.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib