Ölkə futbolu
"Valletta"nin forvardından iddialı açıqlama
Malta "Valletta"sının hücumçusu Latif Elford-A…
Malta "Valletta"sının hücumçusu Latif Elford-Alliyu Çempionlar Liqasının ikinci təsnifat mərhələsi çərçivəsində Azərbaycan çempionu "Qarabağ"a qarşı keçirəcəkləri cavab oyunu ilə bağlı fikirlərini açıqlayıb. Futbolinfo.az saytına danışan 22 yaşlı futbolçu bu sözləri deyib:
“İlk görüşdəki kimi çətin oyun olacaq. Amma biz öz gücümüzə inanırıq. Baş məşqçimiz bizi kifayətə qədər təlimatlandırıb. Hazırlığımız yaxşı keçdi. Ümid edirəm ki, növbəti mərhələyə vəsiqəni təmin edə biləcəyik. “Qarabağ” birinci oyunda möhtəşəm qol vurdu. Rəqib bir penalti də qaçırdı. Əgər o penaltini qola çevirə bilsəydilər, bizim üçün hər şey bitə bilərdi. Amma hazırda mərhələ adlamaq üçün kifayət qədər şansımız var və meydanda da var gücümüzlə çalışıb, bu şansı əldən verməməliyik. Rəqib də güclüdü, biz də. Ona görə də baxımlı oyun olacağını düşünürəm”.
Nigeriya əsilli ingiltərəli forvard oyunda hansı taktikanı seçəcəkləri ilə bağlı da məlumat verib: “Hazırda itirəsi heç nə yoxdu. Bu səbəbdən də hücuma üstünlük verəcəyik. Rəqib qapısına aramsız hücumlar təşkil etməliyik. Təbii ki, oyun səfərdədi və rəqib azarkeşləri komandalarına dəstək verəcəklər. Amma bizim üçün ev, yaxud səfər fərq etməməlidi. Çıxıb, meydanda can qoymalıyıq”.
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Premyer-liqa2024-05-04 18:23
“Kəpəz”dən “Sumqayıt”la əzmkar heç-heçə
- Digər idman növləri2024-05-03 16:28
“Prezident Kuboku”: Azərbaycan səkkizinci medalı qazandı
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu